நியூசிலாந்தின் வடக்கு தீவில் சக்தி வாய்ந்த நிலநடுக்கம்
Subscribe to Oneindia Tamil
வெலிங்டன்: நியூசிலாந்தின் வடக்குத் தீவுப் பகுதியில் இந்திய நேரப்படி இன்று காலை 10 மணிக்கு சக்தி வாய்ந்த நிலநடுக்கம் ஏற்பட்டது. ரிக்டர் அளவு கோளில் 6.5 புள்ளிகளாக இந்த நிலநடுக்கம் பதிவாகியுள்ளது.
இந்த நிலநடுக்கத்தை வெலிங்டன், பல்மெர்ஸ்டன் வடக்கு, நேபியர், பிளன்ஹெம், கிறைஸ்ட்சர்ச் ஆகிய பகுதிகளில் உணர முடிந்தது. 10 விநாடிகள் வரை நீடித்த இந்த நிலநடுக்கத்தால் சேதம் ஏதும் ஏற்பட்டதாக உடனடித் தகவல் ஏதும் இல்லை.
தபு மாகாணத்தை மையமாக வைத்து ஏற்பட்ட இந்த நிலநடுக்கம் நிலத்துக்கடியில் 161 கி.மீ. ஆழத்தில் உருவானதாக அமெரிக்க நிலவியல் ஆய்வு மையம் தெரிவித்துள்ளது.
நியூசிலாந்து நேரப்படி மாலை 3.36 மணிக்கு இந்த நிலநடுக்கம் ஏற்பட்டது.
வடக்கு, தெற்கு என இரட்டைத் தீவுகளைக் கொண்ட நியூசிலாந்துக்கும் இந்தியாவுக்கும் இடையிலான நேர வேறுபாடு சுமார் 6.30 மணி நேரமாகும்.
Click it and Unblock the Notifications
Sign in with Google