நெல்சன் மண்டேலாவுக்கு வயது 93: குவியும் வாழ்த்துக்கள்

By Siva

Published: Monday, July 18, 2011, 14:32 [IST]

Subscribe to Oneindia Tamil

ஜொஹன்னஸ்பர்க்: முன்னாள் தென்னாப்பிரிக்க அதிபர் நெல்சன் மண்டேலா இன்று தனது 93-வது பிறந்தநாளை கொண்டாடுகிறார். அவருக்கு கோடிக்கணக்கான குழந்தைகள் உள்பட ஏராளமானோர் வாழ்த்து தெரிவித்து வருகின்றனர்.

நாட்டின் சுதந்திரற்காக போராடி 25 ஆண்டுகள் சிறைவாசம் அனுபவித்தவர் முன்னாள் தென்னாப்பிரிக்க அதிபர் நெல்சன் மண்டேலா. இன்று தென்னாப்பிரிக்கா என்று சொன்னவுடன் நம் நினைவிற்கு வருவது நெல்சன் மண்டேலா தான்.

அத்தகைய சுதந்திரப் போராட்ட வீரர் இன்று தனது 93-வது பிறந்தநாளைக் கொண்டாடுகிறார். இதையடுத்து 12 மில்லியனுக்கும் அதிகமான பள்ளிக் குழந்தைகள் அவருக்காக எழுதப்பட்ட பிறந்தநாள் வாழ்த்துப் பாடலை இன்று பள்ளி ஆரம்பிக்கும் முன் பாடினர்.

கடந்த 2009-ம் ஆண்டு மண்டேலாவின் பிறந்தநாள் மண்டேலா தினமாக அறிவிக்கப்பட்டது. உலக அளவில் மண்டேலாவின் பிறந்த தினம் பொது சேவைக்கான தினமாக அனுஷ்டிக்கப்படுகிறது.

தென்னாப்பிரிக்காவில் உள்ள தனது கிராமமான குனுவில் குடும்பத்தாருடன் பிறந்தநாளைக் கொண்டாடுகிறார் மண்டேலா.

Published On July 18, 2011