ராகுல் வீட்டுக்கு எதிர் வீட்டில் பால் காய்ச்சிக் குடியேறப் போகும் சச்சின்!

டெல்லி: டெல்லி, துக்ளக் லேன் பகுதியில் வசி்த்து வரும் காங்கிரஸ் இளம் தலைவர் ராகுல் காந்திக்கு ஒரு புதுப் போட்டி வந்துள்ளது. இந்தப் பகுதியின் பிரபலமான விஐபியாக அவர் மட்டுமே வலம் வந்த நிலையில் தற்போது அதற்குப் போட்டியாக சச்சின் டெண்டுல்கர் அங்கு குடியேறப் போகிறார்.

துக்ளக் லேன் பகுதியில்தான் ராகுல் வீடு உள்ளது. அமைச்சர் வீரப்ப மொய்லி வீடும் இந்தப் பக்கம்தான் உள்ளது. சமீபத்தில்தான் ராஜ்யசபா நியமன எம்.பியாக நியமிக்கப்பட்டார் சச்சின். இதையடுத்து அவருக்கு ஒரு பங்களா ஒதுக்கப்படவுள்ளது.

அவருக்கு டைப் 6 பிரிவு பங்களா ஒதுக்கப்படும். இளநிலை அமைச்சர்கள், இணை அமைச்சர்களுக்கு ஒதுக்கப்படும் பங்களாவாகும் இது. தற்போது சச்சின் மிக மிக முக்கியப் பிரமுகராக இருப்பதால் அவருக்கும் இந்த டைப் பங்களா ஒதுக்கப்படவுள்ளது.

ராகுல் காந்தி வசிக்கும் பங்களாவுக்கு எதிரில் உள்ள பங்களா சச்சினுக்கு ஒதுக்கப்படலாம் என்று எதிர்பார்க்கப்படுகிறது.

English summary

Rahul Gandhi, the most famous resident of Tughlaq Lane in Delhi, has some serious competition. Sachin Tendulkar's arriving in the hood, most likely. Sources in the government confirm that the sports icon is likely to be allotted a house opposite Mr Gandhi's, who resides at 12, Tughlaq Lane. Mr Tendulkar, who was sworn in as a member of Parliament on Monday, will bring his famous self to No 5.