ஹைதராபாத், கோவா நகரங்களுக்கு சுற்றுலா செல்ல அரிய வாய்ப்பு- ஐ.ஆர்.சி.டி.சி ஏற்பாடு

சென்னை: இந்திய ரயில்வே துணை நிறுவனமான இந்தியன் ரயில்வே உணவு மற்றும் சுற்றுலா கழகம் (ஐஆர்சிடிசி) சார்பில் ஹைதராபாத், கோவா, கொச்சி, திருவனந்தபுரம் போன்ற இடங்களுக்கு சுற்றுலா செல்ல ஏற்பாடு செய்துள்ளது.

இது குறித்து இந்திய ரயில்வே துணை நிறுவனமான இந்தியன் ரயில்வே உணவு மற்றும் சுற்றுலா கழகம் (ஐஆர்சிடிசி) வெளியிட்டுள்ள செய்திக்குறிப்பில் கூறியிருப்பதாவது,

ஐ.ஆர்.சி.டி.சி. மூலம் நாட்டின் பல்வேறு பகுதிகளுக்கு இதுவரை 145 ரயில் சுற்றுலாக்களை வெற்றிகரமாக நடத்தி உள்ளோம். இதன் தொடர்ச்சியாக அடுத்த சுற்றுலா ரயில் வரும் 26ம் தேதி மதுரையில் இருந்து புறப்படுகிறது. இந்த ரயில் திண்டுக்கல், கரூர், ஈரோடு, சென்னை வழியாக ஹைதராபாத், கோவா, கொச்சி, திருவனந்தபுரம் போன்ற இடங்களுக்கு செல்லும்.

10 நாட்கள் விடுமுறை ரயில் சுற்றுலாவில் பங்கேற்க ஒருவருக்கு ரூ.5,155 கட்டணம் வசூலிக்கப்படும். இரண்டாம் வகுப்பு ரயில் கட்டணம், சைவ உணவு, தங்குவதற்கான வசதி, ஊரை சுற்றி பார்ப்பதற்கான பஸ் வசதி என்று அனைத்தும் இதில் அடங்கும்.

இந்த சுற்றுலாவில் பங்கேற்க விரும்புவர்கள் முன்பதிவு செய்யவும், இது குறித்து மேலும் தகவல் அறியவும் 044-25330341, 0452-2345757 என்ற தொலைபேசி எண்களில் தொடர்பு கொள்ளலாம் என்று அந்த அறிக்கையில் தெரிவிக்கப்பட்டுள்ளது.

English summary

With the overwhelming success of its maiden tour package in September 2012, Indian Railway Catering and Tourism Corporation (IRCTC) has now offered Madurai-Thiruvananthapuram tour package.