ஐடி ஆக்ட் 66(A) - பழிதீர்க்க கபில்சிபல் வெப்சைட்டை முடக்கிய ஹேக்கர்ஸ்!

By Mathi

Published: Saturday, December 1, 2012, 14:12 [IST]

Subscribe to Oneindia Tamil

டெல்லி: ஃபேஸ்புக் உள்ளிட்ட சமூகவலை தளவாசிகளை அலற வைத்திருக்கும் ஐடி ஆக்ட் 66(A)க்கு பழிதீர்க்கும் வகையில் மத்திய தொலைத் தொடர்புத் துறை அமைச்சர் கபில்சிபலின் பெர்சனல் இணையதளத்தை ஹேக்கர்கள் முடக்கி வைத்து விடுவித்திருக்கின்றனர்.

மத்திய தொலைத்தொடர்புத் துறை அமைச்சர் கபில்சிபலுக்கு பெர்சனலாக http://kapilsibalmp.com/ என்ற வெப்சைட்டும் இருக்கிறது. இந்த வெப்சைட்டின் முகப்பு பக்கத்தை ஹேக் செய்த மர்ம நபர்கள் அவருக்கு எதிரான கருத்துகளைப் பதிவிட்டு இருந்தனர். பின்னர் இந்த வெப்சைட் ஹேக்கர்ஸ் பிடியிலிருந்து மீட்கப்பட்டும் இருக்கிறது.

வெப்சைட்டுகளை ஹேக்கர்ஸ் தாக்குவது என்பது வழக்கமானாது என்றாலும் கபில்சிபல் வெப்சைட் முடக்கப்பட்டதற்கு காரணம் என்ன என்பதை ட்விட்டரில் மர்ம நபர்கள் கருத்து தெரிவித்திருக்கின்றனர்.

அதாவது ட்விட்டர், ஃபேஸ்புக் உள்ளிட்ட சமூகவலைதளவாசிகளை மிரட்டும் ஐடி ஆக்ட் 66(A) மூலம் கருத்து சுதந்திரத்தை கபில்சிபல் பறித்து வருவதற்கு பதிலடிதான் இந்த ஹேக்கிங் என்று கூறியுள்ளனர்.

அப்படி தண்டிச்சா... இப்படித்தான் பழிதீர்ப்பாங்களா?

Published On December 1, 2012