இந்திய ஹோட்டலில் பிறந்த நாளைக் கொண்டாடிய ஒபாமா, மிஷல்

வாஷிங்டன்: அமெரிக்க அதிபர் ஒபாமாவும், அவரது மனைவி மிஷலும், வாஷிங்டனில் உள்ள இந்தியர் நடத்தி வரும் ஹோட்டலுக்குப் போய் டிபன் சாப்பிட்டு பிறந்த நாளைக் கொண்டாடியுள்ளார்.

தனது பிறந்த நாளை மனைவியுடன் இந்திய ஹோட்டலில் ஒபாமா கொண்டாடியது அமெரிக்கா வாழ் இந்தியர்களிடையே வரவேற்பைப் பெற்றுள்ளது.

ஒபாமா தனது 52வது பிறந்த நாளைக் கொண்டாடியுள்ளார் என்பது குறிப்பிடத்தக்கது.

ஹோட்டல் ரசிகா

வாஷிங்டனில் உள்ள ஹோட்டல் ரசிகா. டெல்லியில் பிறந்தவரான அசோக் பஜாஜ்தான் இதை நடத்தி வருகிறார்.

2005 முதல்

இந்த ஹோட்டல் 2005ம் ஆண்டு முதலே செயல்பட்டு வருகிறாம். மேலும் சிறந்த ஹோட்டலுக்கான விருதையும் கூட வென்றுள்ளதாம்.

தாவாவுக்குப் பிரபலமானது

இங்கு இந்திய வகை உணவுகள் தாராளமாக கிடைக்கும். குறிப்பாக தாவா, சிக்ரி, தந்தூரி மற்றும் பிராந்திய உணவுகள் பிரபலமானவை.

திடீர் வருகை

ஒபாமாவும், அவரது மனைவியும் இங்கு வருவதை கடைசி நிமிடம் வரை ரகசியமாக வைத்திருந்தனர். பாதுகாப்புக்காக இந்த ரகசியமாம்.

பெரும் கூட்டம் கூடியது

ஆனால் ஒபாமாவும், அவரது மனைவியும் சாப்பிட வந்த பிறகு அந்தத் தகவல் வெளியில் பரவி பெரும் கூட்டம் வெளியில் கூடி விட்டதாம்.

வழக்கம் போல ஒபாமா

வழக்கம் போல தனக்குப் பிடித்த சூட்டில் வந்திருந்தார் ஒபாமா. மிஷல் பேக்லெஸ் கருப்பு நிற உடையில் தேவதை போல வந்திருந்தார்.

English summary

President Barack Obama and wife Michelle chose Rasika, an Indian restaurant owned by a New Delhi born restaurateur to celebrate the President's birthday. "The President and First Lady are going out to dinner to celebrate his birthday," the White House said on Thursday.