ஏலே.. நான் நாய்ல... ‘ஆப்பிரிக்கச் சிங்கம்’ இல்லைலே.. நம்புங்கலே!

Published: Friday, August 16, 2013, 16:09 [IST]

Subscribe to Oneindia Tamil

பெய்ஜிங்: சீனாவில் உள்ள மிருகக்காட்சி சாலை ஒன்றில் ஆப்பிரிக்க சிங்கம் என நடிக்க வைக்கப்பட்டிருந்த சடை நாய் ஒன்ரு குரைத்ததால் பார்வையாளார்களிடம் சிக்கியது.

ஒரு படத்தில் கவுண்டமணி, செந்திலிற்கு புலி போன்று வேடமிட்டு பார்வையாளார்களை ஏமாற்றி பணம் சம்பாதிப்பார். பின்னர் ஒருநாள் வசமாக மாட்டிக் கொள்வார்கள் இருவரும். அதேபோன்ற வேடிக்கையான சம்பவம் ஒன்று சீனாவில் அரங்கேறியுள்ளது.

இதுவரை சிக்கம் என அஞ்சி பார்வையிட்டு வந்த பார்வையாளர்களுக்கு அது ‘லொள்..லொள்' என குரைத்து, நாய் எனத் தெரிய வந்தால் எவ்வளவு அதிர்ச்சியாயிருக்கும்...

இது தான் ஆப்பிரிக்கச் சிங்கம்...

சீனாவில் உள்ள லூஹி மிருகக்காட்சி சாலையில் அதிக முடியுள்ள சடை நாயை ‘ஆப்பிரிக்க சிங்கம்' என இதுநாள் வரை ஏமாற்றி வந்துள்ளனர்.

விநோத ஓசைகள்...

தனது சிறிய மகனுக்கு விலங்குகள் மற்றும் பறவைகளின் விநோத ஓசைகளை அறிமுகப் படுத்துவதற்காக அந்த மிருகக்காட்சி சாலைக்கு அழைத்து வந்தார் லியூ என்பவர்.

குரைக்கும் சிக்கம்...

அப்போது ஆப்பிரிக்கச் சிங்கம் என எழுதப் பட்டிருந்த கூண்டிற்குள் இருந்து நாய் குரைக்கும் சத்தம் கேட்டு அதிர்ந்து விட்டார் லியூ.

சடை நாய்...

பின்னர் விசாரணையில் அது நீண்ட சடை முடியை உடைய நாய் தான் அது என்பது தெரிய வந்தது. மேலும் இத்தனை நாட்களாக அந்த நாயை காட்டி பார்வையாளார்களை மிருகக்காட்சி சாலை ஊழியர்கள் ஏமாற்றி வந்தது உறுதியானது.

சிறுத்தையாக நடித்த வெள்ளைநரி...

போலீசாரின் அதிரடி விசாரணையில் இதேபோன்று, வெள்ளை நரி ஒன்று சிறுத்தையின் கூண்டிலும், மற்றொரு நாய் ஒன்று நரியின் கூண்டிலும் இருந்தது கண்டுபிடிக்கப் பட்டது