மைக்ரோசாப்ட் சிஇஓ ஸ்டீவ் பால்மர் திடீரென ஓய்வு பெற முடிவு

நியூயார்க்: அமெரிக்காவின் மைக்ரோசாப்ட் நிறுவனத்தின் தலைமை செயல் அதிகாரியான ஸ்டீவ் பால்மர் அடுத்த ஆண்டு ஓய்வு பெறுவார் என்று அறிவிக்கப்பட்டுள்ளது.

கணிணிகளைத் தாண்டி ஸ்மார்ட் போன், டாப்லெட் போன்றவற்றின் கை ஓங்கியிருக்கும் நிலையில் அவற்றில் மைக்ரோசாப்ட் முன்னணி வகிக்க முடியவில்லை. மாறாக ஆப்பிள் போன்ற நிறுவனங்கள் கோலோச்சி வருகின்றன.

இந்த நிலையில்தான் ஸ்டீவ் பால்மர் ஓய்வு பெறுவார் என்று அறிவிக்கப்பட்டிருக்கிறது. ஓய்வு பெறப் போகும் ஸ்டீவ் பால்மர், மைக்ரோசாப்ட் நிறுவனத்தின் நிறுவனர் பில்கேட்சின் நீண்டநாள் நண்பரும் நம்பிக்கைக்குரியவரும் ஆவார்.

மற்றொரு சிஇஓ தேர்வு செய்யப்படும்வரை ஸ்டீவ் பால்மர் பதவியில் நீடித்திருப்பார். புதிய சிஇஒ தலைமையில் கீழ் புதிய உத்திகளுடன் சந்தையில் தம்மை முன்னிலைப்படுத்திக் கொள்ள வேண்டிய நிலையில் மைக்ரோசாப்ட் உள்ளது என்பது குறிப்பிடத்தக்கது.

English summary

In a surprise move, Microsoft on Friday announced that CEO Steve Ballmer will retire within 12 months.