காவேரி பிரச்சினை ஓய்ந்தது.. பொங்கி ததும்பும் கர்நாடக அணைகள்.. நீர்மட்டம் நிலவரம் இதோ

பெங்களூர்: தென்மேற்குப் பருவமழை காரணமாக கர்நாடக மாநிலத்தில் தொடர்ந்து மழை பெய்து வருகிறது. இதனால், மாநிலத்தில் உள்ள அனைத்து அணைகளின் நீர்மட்டமும் தொடர்ந்து அதிகரித்து வருகிறது. நீர் வழங்கல், குடிநீர்த் தேவைகள், மின்சார உற்பத்தி ஆகியவற்றுக்குத் தேவையான 14 முக்கிய நீர்த்தேக்கங்களில் நீர்மட்டம் கணிசமாக உயர்ந்து வருகிறது. தொடர் கனமழை காரணமாக இந்த நீர்த்தேக்கங்கள் அதிகபட்ச கொள்ளளவை எட்டியுள்ளன. அணைகளின் நீர்மட்ட விவரம் குறித்து பார்க்கலாம்.

ஆல்மட்டி அணை: பாகல்கோட் மாவட்டத்தில் உள்ள ஆல்மட்டி அணையில் கிருஷ்ணா நதி நீர் பாய்கிறது. இந்த அணையின் மொத்தக் கொள்ளளவு 18, 349.501 மில்லியன் கன அடி ஆகும். அதாவது 519.60 மெட்ரிக் டன் மொத்தக் கொள்ளளவு. இன்றைய நிலவரப்படி அணையின் நீர்மட்டம் 515.48 மெட்ரிக் டன்னாக உள்ளது. அணைக்கு நீர்வரத்து 3 லட்சத்து 23 ஆயிரத்து 259 கன அடியாகவும், அணையில் இருந்து வெளியேற்றப்படும் நீர் 3 லட்சத்து 25,504 கன அடியாகவும் உள்ளது.

நாராயணபுரா அணை: இந்த அணையின் மொத்தக் கொள்ளளவு 492.25 மெட்ரிக் டன் ஆகும். அணையில் தற்போது 489.88 மெட்ரிக் டன் நீர் இருப்பு உள்ளது. அணைக்கு விநாடிக்கு 3,07,487 கன அடி நீர்வரத்து உள்ளது. அதேபோல, அணையில் இருந்து 3,06,520 கன அடி நீர் வெளியேற்றப்பட்டு வருகிறது.

துங்கா அணை: துங்கா அணையின் மொத்தக் கொள்ளளவு 98.73 டிஎம்சி ஆகும். அணையில் தற்போது 1,631.22 அடி நீர் இருப்பு உள்ளது. அணைக்கு 1,97,468 கன அடி நீர்வரத்து உள்ளது. அணையில் இருந்து 1,78,851 கன அடி நீர் வெளியேற்றப்பட்டு வருகிறது.

கிருஷ்ணராஜ சாகர் அணை: மண்டியா மாவட்டத்தில் உள்ள கிருஷ்ணராஜ சேகர் அணையில் காவிரி நீர் பாய்கிறது. அணையின் மொத்தக் கொள்ளளவு 49,452 மில்லியன் கன அடியாகும். அணையின் நீர் இருப்பு 47,311 மில்லியன் கன அடியாக உள்ளது. அணையின் தற்போது 123.25 அடி நீர் இருப்பு உள்ளது. அணைக்கு விநாடிக்கு 95,502 கன அடி நீர்வரத்து உள்ளது. அதேபோல, 1,03,22 கன அடி நீர் வெளியேற்றப்பட்டு வருகிறது.

கபிணி அணை: அணையின் மொத்தக் கொள்ளளவு 19,070 மில்லியன் கன அடியாகும். அணையின் நீர் இருப்பு 18,070 மில்லியன் கன அடியாக உள்ளது. அணைக்கு விநாடிக்கு 54,137 கன அடி நீர்வரத்து உள்ளது. அதேபோல, 70,750 கன அடி நீர் வெளியேற்றப்பட்டு வருகிறது.

English summary

Due to Southwest Monsoon rains continue to fall in the state of Karnataka. Due to this, the water level of all the dams in the state is continuously increasing.