Just In

திமுகவில் மீண்டும் மு.க. அழகிரி? சென்னையில் முக்கிய பேச்சுவார்த்தை?

Updated: Wednesday, February 10, 2021, 22:29 [IST]

சென்னை: திமுகவில் மீண்டும் மு.க. அழகிரியை சேர்ப்பது தொடர்பாக சென்னையில் ஒரு இடத்தில் முக்கியமான பேச்சுவார்த்தைகள் நடைபெற்றதாக தகவல்கள் தெரிவிக்கின்றன.

பிரம்மாண்ட ஆலோசனை

ஆனால் இந்த முயற்சிகள் கைகூடவில்லை. இதனால் அண்மையில் மதுரையில் தமது ஆதரவாளர்களை ஒன்றுதிரட்டி பிரம்மாண்ட ஆலோசனை கூட்டத்தை அழகிரி நடத்தினார்.

அழகிரி தனிக்கட்சி முயற்சி

இந்த கூட்டத்தில் கலைஞர் திமுக எனும் தனிக் கட்சியை அழகிரி தொடங்க வேண்டும் என அவரது ஆதரவாளர்கள் வலியுறுத்தி இருந்தனர். ஆனால் இந்த ஆலோசனைக் கூட்டத்துக்குப் பின்னர் அழகிரி தரப்பு திடீரென அமைதியானது.

சென்னை பேச்சுவார்த்தை

மேலும் இதுவரை அழகிரி பெயரையே உச்சரிக்காமல் தவிர்த்து வந்த திமுக தரப்பு திடீரென பல்வேறு சூழ்நிலைகளில் அவரது பெயரை குறிப்பிட தொடங்கியது. இந்த நிலையில் சென்னையில் ஒரு இடத்தில் மு.க. அழகிரியை திமுகவில் மீண்டும் இணைப்பது தொடர்பான முக்கியமான பேச்சுவார்த்தை நடந்துள்ளதாக தகவல்கள் வெளியாகி உள்ளன.

தேர்தல் களத்தில் பரபரப்பு

சென்னையில் நடைபெற்ற இந்த பேச்சுவார்த்தையில் பல முக்கியமான நபர்கள் கலந்து கொண்டதாகவும் கூறப்படுகிறது. சட்டசபை தேர்தல் களத்தில் இந்த பேச்சுவார்த்தை மிக முக்கியமான பரபரப்பானதாக இருக்கும் என கூறப்படுகிறது.