கைநிறைய சம்பளம்.. இந்து அறநிலையத்துறையில் நல்ல வேலைவாய்ப்பு.. சீக்கிரம் விண்ணப்பக்கலாம் வாங்க!

சென்னை: இந்து சமய அறநிலையத்துறையில் காலியாக உள்ள ஏராளமான பணியிடங்களை நிரப்புவதற்கான அறிவிப்பு வெளியாகி உள்ளது. இந்த பணிக்கு தேர்வாகும் நபர்களுக்கு அதிகபட்சமாக ரூ.25 ஆயிரமும், குறைந்தபட்சமாக ரூ.20 ஆயிரமும் சம்பளம் கிடைக்கும்.

தமிழ்நாடு அரசின் கட்டுப்பாட்டில் இந்து சமய அறநிலையத்துறை உள்ளது. இந்த துறையின் கட்டுப்பாட்டில் தமிழ்நாட்டின் பல்வேறு பகுதிகளில் கோவில்கள் உள்ளன.

இந்த கோவில்களின் பராமரிப்பு மற்றும் பாதுகாப்பு பணியை இந்து சமய அறநிலையத்துறை மேற்கொண்டு வருகிறது. இங்கு காலியாக உள்ள பணியிடங்கள் ஒவ்வொன்றாக நிரப்பப்பட்டு வருகிறது. அந்த வகையில் தற்போது ஒரு அறிவிப்பு வெளியாகிறது.

காலியிடங்கள் என்ன?

இந்து சமய அறநிலையத்துறையில் கோவில் புனரமைப்பு பாதுகாத்தல் பணிக்கான பணி தொகுதியில் மாநிலம் முழுவதும் காலியாக உள்ள மண்டல ஸ்தபதி மற்றும் உதவி ஸ்தபதி பணியிடங்கள் நிரப்பப்பட உள்ளன. அதன்படி மண்டல ஸ்தபதி பணிக்கு 10 பேர், உதவி ஸ்தபதி பணிக்கு 38 பேர் என மொத்தம் 48 பேர் தேர்வு செய்யப்பட உள்ளனர்.

மாத சம்பளம்-வயது வரம்பு எவ்வளவு?

இந்த பணியிடங்கள் தற்காலிகமானது. இதனால் தொகுப்பூதியம் வழங்கப்பட உள்ளது. அதன்படி மண்டல ஸ்தபதி பணிக்கு தேர்வாகும் நபர்களுக்கு மாதம் ரூ.25,000 ஆயிரமும், உதவி ஸ்தபதி பணிக்கு தேர்வாகும் நபர்களுக்கு ரூ.20 ஆயிரம் சம்பளமாக வழங்கப்படும். பணிக்கு விண்ணப்பம் செய்பவர்கள் குறைந்தபட்சமாக 40 வயது நிரம்பி இருக்க வேண்டும். விண்ணப்பத்தாரர்களின் வயது 01.07.2022ம் தேதியின் அடிப்படையில் கணக்கீடு செய்யப்படும்.

கல்வி தகுதி என்ன?

மண்டல ஸ்தபதி, உதவி ஸ்தபதி பணிக்கு விண்ணப்பம் செய்யும் நபர் மரபு கட்டிடக்கலை தொழில்நுட்பத்தில் இளநிலை தொழில்நுட்ப பட்டம் (Bachelor of Technical in Tradition Architecture) அல்லது மரபு சிற்ப கலையில் இளநிலை நுண்கலை பட்டம் (Bachelor of Fine Arts in Traditional Sculpture) முடித்திருக்க வேண்டும். மேலும் பணியில் 10 ஆண்டு அனுபவம் கொண்டிருக்க வேண்டும்.

விண்ணப்பம் செய்வது எப்படி?

அதோடு விண்ணப்பத்தாரர்கள் இந்து சமயத்தை பின்பற்றுபவராக இருக்க வேண்டும். தகுதி மற்றும் விருப்பம் உள்ளவர்கள் விண்ணப்பத்தை பதிவிறக்கம் செய்து பூர்த்தி செய்து ‛‛ஆணையர், இந்து சமய அறநிலையத்துறை, 119 உத்தமர் காந்தி சாலை, நுங்கம்பாக்கம், சென்னை 6000 034'' என்ற முகவரிக்கு அனுப்பி வைக்க வேண்டும். இந்த விண்ணப்பம் 2023 ஜனவரி மாதம் 20ம் தேதி மதியம் 3 மணிக்குள் அந்த முகவரிக்கு சென்றடைய வேண்டும்.

இந்து அறநிலையத்துறை இணையதளம் செல்ல Click Here

பணி பற்றிய அதிகாரப்பூர்வ அறிவிப்பு மற்றும் விண்ணப்பம் பதிவிறக்கம் செய்ய Click Here

English summary

Hindu Religious Endowment Department has released a notification to fill up many vacant posts. Candidates for this job will get maximum salary of Rs.25 thousand and minimum salary of Rs.20 thousand.