ரெயின் ரெயின் கோ அவே! மோடி மோடி கம் கம்! எல்கேஜி ரைம்ஸ் மாதிரி பாடிய ஜெயக்குமார்.. திமுக மீது சாடல்
சென்னை: சென்னையில் அதிமுக ஆர்ப்பாட்டத்தை முடித்துக் கொண்டு செய்தியாளர்களை சந்தித்த முன்னாள் அமைச்சர் ஜெயக்குமார் ஆங்கில ரைம்ஸை பாடினார்.
தமிழகத்தில் திமுக அரசின் மின் கட்டண உயர்வு மற்றும் சொத்து வரி உயர்வை கண்டித்து அதிமுக கடந்த 3 தினங்களாக ஆர்ப்பாட்டம் நடைபெற்று வந்தது. அந்த வகையில் இன்றைய தினமும் சென்னையில் ஆர்ப்பாட்டம் நடைபெற்றது.
இந்த ஆர்ப்பாட்டத்திற்கு எதிர்க்கட்சித் தலைவர் எடப்பாடி பழனிச்சாமி தலைமையில் சென்னை ஆட்சியர் அலுவலகம் அருகே ஆர்ப்பாட்டம் நடந்தது.
ஆர்ப்பாட்டம்
இந்த ஆர்ப்பாட்டத்தில் கலந்து கொண்ட முன்னாள் அமைச்சர் ஜெயக்குமார், எம்ஜிஆரின் படமான வேட்டைக்காரன் படத்தில் வரும் "உன்னை அறிந்தால், நீ உன்னை அறிந்தால் பாடலை பாடி தொண்டர்களை குஷிப்படுத்தினார். இந்த பாடலை கேட்ட தொண்டர்கள் அண்ணன் டிஜே, அண்ணன் டிஜே என கோஷமிட்டனர்.
ஜெயக்குமார்
இதையடுத்து ஆர்ப்பாட்டத்தின் முடிவில் முன்னாள் அமைச்சர் ஜெயக்குமார் செய்தியாளர்களை சந்தித்தார். அப்போது அவர் கூறுகையில் எதிர்க்கட்சித் தலைவராக இருந்த ஸ்டாலின் மூக்கு மேல் விரலை வைக்கும் அளவுக்கு 4 ஆண்டுகள் மக்களுக்கான சிறப்பான ஆட்சியை தந்தவர் எடப்பாடி பழனிச்சாமி.
விபத்தில் வந்த ஆட்சி
ஆனால் இந்த திமுக ஆட்சியோ விபத்தில் வந்தது. நகர்ப்புற தேர்தலுக்கு முன்பு சொத்து வரியை உயர்த்தி இருந்தால் தேர்தல் முடிவுகளே தலைகீழாக மாறியிருக்கும். திமுகவின் மூலதனமே பொய் வாக்குறுதிகள். அவர்களை ஓட ஓட விரட்டி அடிப்போம். ஆட்சிக்கு வரும் போது ஒரு பேச்சு, ஆட்சிக்கு வந்த பிறகு ஒரு பேச்சு என திமுக இருக்கிறது.
திராவிட மாடல்
இதுதான் திராவிட மாடல். அதிமுக அலுவலகத்தில் அத்துமீறி நுழைந்து சேதப்படுத்திய துரோகிகளுக்கு தகுந்த பாடத்தை கற்பிப்போம். சின்ன வயதில் பசங்களுக்கு ரைம்ஸ் சொல்லி கொடுப்பார்கள். நான் கூட கார்பரேஷன் ஸ்கூலில் படித்த போது ஒன்று சொல்லிக் கொடுத்தார்கள்.
திமுகவின் ரைம்ஸ்
அதாவது rain rain go away, come again another day ஆகும். அது போல் அதிமுக ஆட்சி காலத்தில் பிரதமர் மோடி மக்கள் நல தி்ட்டங்களை செயல்படுத்த தமிழகம் வந்தால் modi modi go go...என சொன்னார்கள். திமுக ஆட்சிக்கு வந்ததும் modi modi come come என சொல்கிறார்கள். இதுதான் திமுகவின் தற்போதைய ரைம்ஸாக இருக்கிறது என ஜெயக்குமார் விமர்சித்தார்.
Click it and Unblock the Notifications
Sign in with Google