அனைத்து கட்சியிலும் ரவுண்டடித்து கடைசியில் ம.நீ.ம.வில் ஒதுங்கிய பழ.கருப்பையா தி.நகரில் போட்டி!

Updated: Friday, March 12, 2021, 17:38 [IST]

Subscribe to Oneindia Tamil

சென்னை: பல்வேறு கட்சிகளுக்கு மாறி, மாறிச் சென்று கடைசியில் மக்கள் நீதி மய்யம் பக்கம் ஒதுங்கிய முன்னாள் எம்.எல்.ஏ.வும், மூத்த அரசியல்வாதியுமான பழ.கருப்பையா தி. நகர் தொகுதியில் போட்டியிடுவார் என்று அறிவிக்கப்பட்டுள்ளது.

பழ. கருப்பையா காங்கிரஸ், மதிமுக, திமுக, அதிமுக என்று தமிழத்தில் உள்ள அனைத்து கட்சியிலும் ஒரு ரவுண்ட் வந்தார்

நடிகர் விஜய் நடித்த சர்க்கார் உள்ளிட்ட பல திரைப்படங்களில் நடித்துள்ளார். கடும் விமர்சனங்களை தாண்டி பழ.கருப்பையா தேர்தலில் வெற்றி பெறுவாரா என்பதை பொறுத்திருந்து பார்ப்போம்.

2-வது கட்ட வேட்பாளர் பட்டியல்

தமிழக தேர்தல் களம் அதிவேகமாக சென்று வருகிறது. அனைத்து கட்சிகளும் வேட்பாளர் பட்டியல் வெளியிட்டு வருகிறது. இதேபோல் மக்கள் நீதி மய்யம் கட்சியின் முதற்கட்ட வேட்பாளர் பட்டியல் சில நாட்களுக்கு முன்பு வெளியிடப்பட்டது. ஆனால் அப்போது கமல்ஹாசன் போட்டியிடும் தொகுதி குறித்து அறிவிக்கப்படவில்லை. இந்த நிலையில் மக்கள் நீதி மய்யத்தின் 2-ம் கட்ட வேட்பாளர் பட்டியல் வெளியிடப்பட்டுள்ளது.

பழ.கருப்பையா போட்டி

நடிகரும், மக்கள் நீதி மய்யத்தின் தலைவருமான கமல்ஹாசன் கோவை தெற்கு தொகுதியில் போட்டியிடுவார் என்று அறிவிக்கப்பட்டுள்ளது. இதேபோல் பல்வேறு கட்சிகளுக்கு மாறி, மாறிச் சென்று கடைசியில் மக்கள் நீதி மய்யம் பக்கம் ஒதுங்கிய முன்னாள் எம்.எல்.ஏ.வும், மூத்த அரசியல்வாதியுமான பழ.கருப்பையா தி. நகர் தொகுதியில் போட்டியிடுவார் என்று அறிவிக்கப்பட்டுள்ளது.

அனைத்து கட்சியிலும் ரவுண்ட் வந்தார்

காமராஜரை தலைவராக ஏற்றுக் கொண்டு முதன்முதலாக காங்கிரஸ் கட்சியில் அரசியல் பயணத்தை தொடங்கினார் பழ. கருப்பையா.அதன்பின்பு அவர் காங்கிரஸ், மதிமுக, திமுக, அதிமுக என்று தமிழத்தில் உள்ள அனைத்து கட்சியிலும் ஒரு ரவுண்ட் வந்தார்.2011 சட்டமன்ற தேர்தலில் சென்னை துறைமுகம் தொகுதியில் அதிமுக வேட்பாளராக போட்டியிட்ட பழ.கருப்பையா வெற்றி பெற்று எம்.எல்.ஏ.வாக தேர்வு செய்யப்பட்டார்.

வெற்றி பெறுவாரா?

அதன்பின்னர் அதிமுக அரசை விமர்சித்ததால் ஜெயலலிதாவால் கட்சியில் இருந்து நீக்கப்ட்டார். எம்.எல்.ஏ. பதவியை ராஜினமா செய்தார். கடைசியில் திமுகவில் இருந்த அவர் 2019-ல் அதில் இருந்து விலகினார். கடைசியில் சில நாட்களுக்கு முன்பு மக்கள் நீதி மய்யத்தில் தஞ்சமடைந்தார். பழ. கருப்பையா.நடிகர் விஜய் நடித்த சர்க்கார் உள்ளிட்ட பல திரைப்படங்களில் நடித்துள்ளார். கடும் விமர்சனங்களை தாண்டி பழ.கருப்பையா தேர்தலில் வெற்றி பெறுவாரா என்பதை பொறுத்திருந்து பார்ப்போம்.