"தெய்வமே..." போயஸ் கார்டனில் முழக்கம்.. வெள்ளை ஆடையில் தோன்றி புத்தாண்டு வாழ்த்து சொன்ன ரஜினிகாந்த்

தன்னை சந்திக்க வந்த ரசிகர்களைப் பார்த்து புத்தாண்டு வாழ்த்து கூறினார் ரஜினிகாந்த். அப்போது ஏராளமான ரசிகர்கள் தெய்வமே என்று முழக்கமிட்டனர்.

Updated: Saturday, January 1, 2022, 14:44 [IST]

Subscribe to Oneindia Tamil

சென்னை: தன்னை காண வந்த ரசிகர்களை தனது வீட்டு வாசலில் சந்தித்த ரஜினிகாந்த் புத்தாண்டு வாழ்த்துக்களை தெரிவித்தார். ரஜினியின் தரிசனம் கிடைத்த மகிழ்ச்சியில் ஏராளமானோர் தெய்வமே என்று உற்சாக முழக்கமிட்டனர். சில நிமிட நேரம்தான் என்றாலும் மின்னல் போல வந்து புத்தாண்டு நாளில் ரசிகர்களை மகிழ்ச்சி வெள்ளத்தில் ஆழ்த்தியிருக்கிறார் ரஜினிகாந்த்.

ஆங்கில புத்தாண்டு தினமான இன்று நடிகர் ரஜினிகாந்த் தனது ட்விட்டர் பக்கத்தில் புத்தாண்டு வாழ்த்துக்களை பதிவிட்டிருந்தார்.

அவரைக் காண ஏராளமான ரசிகர்கள் போயஸ்கார்டன் வீட்டு வாசலில் காத்திருந்தனர். தன்னை காண வந்த ரசிகர்களைப் பார்ப்பதற்காக ரஜினிகாந்த் வீட்டை விட்டு வெளியே வந்து உற்சாகமாக கையசைத்தார்.

தெய்வமே தெய்வமே

வெள்ளை வேஷ்டி வெள்ளை சட்டை அணிந்திருந்த மின்னல் போல வந்த ரஜினிகாந்தை பார்த்த உடன் ரசிகர்கள் தலைவா என்று முழக்கமிட்டனர். சிலரோ தெய்வமே தெய்வமே என்று அழைத்தனர்.

வாழ்த்து கூறிய ரஜினிகாந்த்

ரஜினியை பார்த்த மகிழ்ச்சியில் அங்கிருந்த ரசிகர்கள் புத்தாண்டு வாழ்த்துக்கள் தலைவா என்றும் உற்சாக முழக்கமிட்டனர். அப்போது அவர்களைப் பார்த்து கையெடுத்து கும்பிட்ட ரஜினிகாந்த் புத்தாண்டு வாழ்த்துக்கள் என்று கூறினார்.

தவமிருக்கும் ரசிகர்கள்

நடிகர் ரஜினிகாந்த் அரசியலில் ஈடுபடப்போவதில்லை என்று அறிவித்தாலும் அவரது ரசிகர்கள் ஏராளமானோர் அவ்வப்போது போயஸ்கார்டன் சென்று ரஜினிகாந்தை சந்தித்து வருகின்றனர். தன்னை காண வரும் ரசிகர்களை சந்தித்து அவர்களுடன் சில நிமிடங்கள் பேசுகிறார் ரஜினிகாந்த்.

பிரார்த்தனை

டிசம்பர் 12ஆம் தேதி பிறந்தநாளன்று ஏராளமான ரசிகர்கள் ரஜினிகாந்த் நலம்பெற வேண்டியும் உடல் ஆரோக்கியத்தோடு இருக்க வேண்டும் என்றும் திருப்பரங்குன்றம் முருகன் கோவிலில் தங்கத்தேர் இழுத்து வழிபட்டனர்.

சில நிமிட தரிசனம்

ரஜினிகாந்தை அவரது ரசிகர்கள் கடவுளாக பாவித்து வருகின்றனர். புத்தாண்டு தினமான இன்று போயஸ்கார்டன் வாசலில் காத்திருந்தவர்களுக்கு இன்றைய தினம் சில நிமிட தரிசனமே கிடைத்தாலும் தெய்வமே என்று உற்சாகத்தோடு குரல் எழுப்பி கும்பிட்டனர் ரசிகர்கள்.