“இந்தி வெறியர்கள்தான் உண்மையான தேசதுரோகிகள்”.. ஆக்ரோஷ முகம் காட்டும் தமிழக முதல்வர் ஸ்டாலின்!
சென்னை: உண்மையான பேரினவாதிகளும் தேசதுரோகிகளும் இந்தி வெறியர்கள்தான் என்று தமிழக முதல்வர் மு.க.ஸ்டாலின் காட்டமாகத் தெரிவித்துள்ளார்.
தமிழக முதல்வரும், திமுக தலைவருமான மு.க.ஸ்டாலின், சமூக வலைதளத்தில், தான் தொண்டர்களுக்கு எழுதியுள்ள மடலை பதிவிட்டுள்ளார். அதில், "தாய் மொழி என்பது தேன் கூடு. அதில் கையை வைப்பது ஆபத்து. கட்டாயமாக ஒரு மொழியை திணித்தால் அது பகையுணர்ச்சிக்கே வழிவகுக்கும். நாட்டின் ஒற்றுமையை பாதிக்கும்." எனத் தெரிவித்துள்ளார்.
முதல்வர் ஸ்டாலின் வெளியிட்டுள்ள பதிவில், "தமிழ்நாட்டில் தமிழுக்கு உரிய இடத்தைக் கோரிய 'குற்றத்திற்காக' சில தகுதிவாய்ந்த மதவெறியர்கள் எங்களை பேரினவாதிகள் மற்றும் தேசவிரோதிகள் என்று முத்திரை குத்தும்போது இந்த பிரபலமான மேற்கோள் எனக்கு நினைவுக்கு வருகிறது.
கோட்சேவின் சித்தாந்தத்தை மகிமைப்படுத்தும் மக்கள், சீன ஆக்கிரமிப்பு, வங்காளதேச விடுதலைப் போர் மற்றும் கார்கில் போரின் போது அதிக நிதியை வழங்கிய திமுக மற்றும் அதன் அரசாங்கத்தின் தேசபக்தியைக் கேள்விக்குள்ளாக்கும் துணிச்சலைக் கொண்டுள்ளனர்.
மொழியியல் சமத்துவத்தைக் கோருவது பேரினவாதம் அல்ல. பேரினவாதம் எப்படி இருக்கும் என்பதை நீங்கள் அறிய விரும்புகிறீர்களா? 140 கோடி குடிமக்களை நிர்வகிக்கும் மூன்று குற்றவியல் சட்டங்களை தமிழர்களால் உச்சரிக்கவோ அல்லது படிக்கவோ கூட புரிந்துகொள்ளவோ முடியாத மொழியில் பேரினவாதம் பெயரிடுகிறது.
தேசத்திற்கு அதிக பங்களிக்கும் அரசை இரண்டாம் தர குடிமக்களாகக் கருதி, தேசிய கல்வி கொள்கை என்ற விஷத்தை விழுங்க மறுப்பதற்காக அதன் நியாயமான பங்கை பேரினவாதம் மறுக்கிறது.
எதையும் திணிப்பது பகைமையை வளர்க்கிறது. பகைமை ஒற்றுமையை அச்சுறுத்துகிறது. எனவே, உண்மையான பேரினவாதிகளும் தேசவிரோதிகளும் இந்தி வெறியர்கள். அவர்கள் தங்கள் உரிமை இயற்கையானது என்று நம்புகிறார்கள். ஆனால் நமது எதிர்ப்பு துரோகம் என்று நம்புகிறார்கள்." எனத் தெரிவித்துள்ளார்.
மேலும் அந்த மடலில் முதல்வர் ஸ்டாலின், "சோவியத் யூனியன் என்ற மாபெரும் ஒன்றியம் பல்வேறு மொழிகளைப் பேசும் தேசிய இனங்களைக் கொண்டிருந்தது. எனினும், பெரும்பான்மை மொழியான ரஷ்ய மொழி ஆதிக்கம் செலுத்தியது. சோவியத் யூனியன் சிதைவடைந்து பிரிந்ததில் மொழி ஆதிக்கமும் ஒரு காரணமாக அமைந்தது.
தாய்மொழி என்பது ஒரு தேன்கூடு. அதில் கைவைப்பது ஆபத்து, கட்டாயமாக ஒரு மொழியைத் திணித்தால் அது பகையுணர்ச்சிக்கே இடம் கொடுக்கும். நாட்டின் ஒற்றுமைக்கு பாதிப்பை ஏற்படுத்தும். மொழித்திணிப்பினால் பிளவுபட்ட தேசங்களின் வரலாறு நம் பக்கத்திலேயே இருக்கிறது.
கிழக்கு வங்காளத்தினர் தங்கள் தாய்மொழியான வங்காளத்தையும் தேசிய மொழியாக அறிவிக்கக் கோரி, பாகிஸ்தான் நாடாளுமன்றத்தில் குரல் கொடுத்தனர். போராட்டங்களை நடத்தினர். வங்கதேச விடுதலைக்காக இந்திய இராணுவம் பங்கேற்ற போரின்போது. இந்தியாவிலேயே மிக அதிக நிதியை அளித்த மாநிலம் என்ற பெருமையைப் பெற்றது தலைவர் கலைஞரின் ஆட்சி நடைபெற்ற தமிழ்நாடு.
நம் தாய்மொழி போலவே மற்றவர்களின் தாய்மொழியையும் மதிக்கிறோம். இந்தியைத் தாய்மொழியாகக் கொண்டவர்களும் நம் சகோதர சகோதரிகள்தான். இந்திய அரசியல் சட்டம் 351-ஆவது பிரிவைச் சுட்டிக்காட்டி, இந்தி மொழியை 1945 1980 2025 வளர்க்கும் பொறுப்பை ஒன்றிய அரசு தீவிரமாக மேற்கொள்கிறது. செப்டம்பர் 14-ஆம் தேதியை 'இந்தி திவஸ்' என்ற பெயரில் கொண்டாடுகிறது. அந்த நாளில், இந்தித் திணிப்பு முழக்கங்களை ஒன்றிய ஆட்சியாளர்கள் முன்வைக்கிறார்கள்.
ரூபாய் நோட்டில் அச்சிடப்பட்டுள்ள மொழிகள் அனைத்தையும் இந்தியாவின் ஆட்சிமொழியாக அறிவிக்கத் மத்திய அரசுக்கு தயக்கம் ஏன்? எங்கள் அண்ணா அன்று மாநிலங்களவையில் கேட்டதைத்தான் அவரது தம்பிகளான நாங்களும் கேட்கிறோம். அவரால் பெயர் சூட்டப்பட்ட எங்கள் தமிழ்நாடு கேட்கிறது. லட்சியம் நிறைவேறும் வரை கேட்டுக்கொண்டே இருப்போம்" எனத் தெரிவித்துள்ளார்.
Click it and Unblock the Notifications
Sign in with Google