TN School Holidays: தமிழகத்தில் பள்ளி, கல்லூரிகளுக்கு ஆகஸ்ட்டில் எத்தனை நாள் விடுமுறை? லிஸ்ட் இதோ!

Updated: Friday, August 1, 2025, 14:17 [IST]

Subscribe to Oneindia Tamil

சென்னை: தமிழகத்தில் ஆகஸ்ட் மாதத்தில் எத்தனை நாட்கள் பள்ளி, கல்லூரிகளுக்கு விடுமுறை என்பது குறித்த தகவல்கள் தற்போது பள்ளிக் கல்வித் துறை சார்பில் வெளியிடப்பட்டுள்ளது. இந்த விடுமுறைகள் யாவும் வார இறுதி நாட்கள், பொது விடுமுறைகள், பண்டிகை கால விடுமுறை ஆகியவை ஆகும். எந்தெந்த நாட்களில் விடுமுறை என்பதை பார்க்கலாம்.

தமிழ்நாட்டில் அரசு பள்ளிகளில் வேலை நாட்கள், விடுமுறை, வகுப்புகள், தேர்வு நாட்கள் உள்ளிட்ட விவரங்கள் அடங்கிய பள்ளி நாட்காட்டி பள்ளிக் கல்வித் துறையின் சார்பில் வெளியிடப்படுகிறது. அந்த வகையில் 2025- 2026 ஆம் கல்வியாண்டிற்கான பள்ளி நாட்காட்டி அண்மையில் வெளியானது.

அதன்படி இந்த ஆண்டு மொத்த வேலை நாட்களின் எண்ணிக்கை 210 ஆகும். இந்த ஆண்டு அனைத்து சனி, ஞாயிறுகளும் விடுமுறை நாட்கள் ஆகும். இந்த நிலையில் ஜூலை மாதம் மொகரம் பண்டிகை ஞாயிற்றுக்கிழமை வந்ததால் வார நாட்களில் பொது விடுமுறை இல்லாமல் போய்விட்டது.

அது போல் திருச்செந்தூர் முருகன் கோயில் கும்பாபிஷேகத்தால் தூத்துக்குடி மாவட்டம், திருப்பரங்குன்றம் முருகன் கோயில் கும்பாபிஷேகத்தால் மதுரை மாவட்டம், ஸ்ரீவில்லிபுத்தூர் ஆண்டாள் கோயில் ஆடிப்பூரத் தேரோட்டம் என்பதால் விருதுநகர், செங்கல்பட்டு மாவட்டங்களுக்கு உள்ளூர் விடுமுறை அளிக்கப்பட்டது.

வார விடுமுறை

அந்த வகையில் ஆகஸ்ட் மாதம் இன்று தொடங்கிய நிலையில் எத்தனை நாட்கள் விடுமுறை என்பதை பார்க்கலாம். ஆகஸ்ட் மாதத்தில் 10 நாட்கள் வார விடுமுறையாகிவிடுகிறது. அதாவது ஆகஸ்ட் 2-3, 9-10, 16-17, 23-24, 30-31 ஆகியவை ஆகும்.