நீலகிரி, கோவை, சேலத்தில் இன்று கனமழைக்கு வாய்ப்பு - வானிலை ஆய்வு மையம்

சென்னை: தமிழகத்தில் நீலகிரி, கோவை மற்றும் சேலம் மாவட்டங்களில் இன்று கனமழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.

வளிமண்டல சுழற்சி காரணமாக தமிழகத்தின் பல பகுதிகளில் கோடை மழையானது ஒருவாரமாக கொட்டி வருகிறது. ஒருசில இடங்களில் கனமழை கொட்டியது.

இந்த நிலையில் நீலகிரி, கோவை, சேலத்தில் இன்று 3 நாட்களுக்கு மழை பெய்யும் என்றும் வானிலை மையம் தெரிவித்துள்ளது. கேரளா, கர்நாடகாவில் நிலவும் உள் வளிமண்டல சுழற்சி காரணமாக மழை பெய்யலாம் என்கிறது சென்னை வானிலை மையம்.

தமிழகத்தில் மேற்கு தொடர்ச்சி மலை மாவட்டங்களில் ஓரிரு இடங்களில் இடியுடன் கூடிய லேசானது அல்லது மிதமான மழைக்கு வாய்ப்பு உள்ளது என்றும் தெரிவிக்கப்பட்டுள்ளது.

English summary

Indian Meteorological Department has predicted Salem. Coimbatore, and Nilgiris will get heavy showers today.