ரசிகர்களே நம்பி ஏமாற வேண்டாம்.. தமிழ்ராக்கர்ஸ் அறிவிப்பு

சென்னை: ட்விட்டரில் தங்களுக்கு அக்கவுண்ட் இல்லை என்று தமிழ் ராக்கர்ஸ் இணையதளம் அறிவித்துள்ளது.

சர்கார் திரைப்படம் வெளியாகும் நாளிலேயே, தமிழ் ராக்கர்ஸ்சில் எச்.டி. பிரிண்டில் வெளியாகும் என்று தமிழ் ராக்கர்ஸ் என்ற பெயரிலுள்ள ட்விட்டர் பக்கத்தில் தகவல் வெளியிடப்பட்டது.

சொன்னதை போலவே சர்கார் திரைப்படம் முதல் நாளிலேயே வெளியானது. இந்த நிலையில்தான், 2.O திரைப்படம் வெளியாகும் நவம்பர் 29ம் தேதியே, தமிழ் ராக்கர்ஸ் இணையதளத்தில் அந்த படம் வெளியாகும் என்று ட்விட்டரில் நேற்று தமிழ் ராக்கர்ஸ் பெயரிலான அக்கவுண்டில் ட்வீட் வெளியானது.

பெரும் பொருட்செலவில் எடுக்கப்பட்ட அந்த படத்திற்கும் இந்த கதியா என படக்குழு புலம்பிய நிலையில், அந்த ட்விட்டர் கணக்கு தங்களுடையது இல்லை என தமிழ்ராக்கர்ஸ் தங்களது இணையதளத்தில் தகவல் வெளியிட்டுள்ளது.

எந்த ஒரு சமூக வலைத்தளத்திலும் தாங்கள் இல்லை என்றும் அதில் தெரிவிக்கப்பட்டுள்ளது.

English summary

Tamilrockers says, it doesn't have any social media account including Twitter.