வாக்காளர் பட்டியலில் 100 பேரில் 12 பேர் நீக்கம்.. இது SIR-க்கு கிடைத்த வெற்றி.. அண்ணாமலை!

கோவை: தமிழக வாக்காளர் பட்டியலில் 100 பேரில் 12 பேர் நீக்கப்பட்டிருப்பது SIRக்கு கிடைத்த வெற்றி என்று தமிழக பாஜக முன்னாள் தலைவர் அண்ணாமலை தெரிவித்துள்ளார். SIR மூலமாக இதுவரை 77 லட்சம் வாக்காளர்கள் நீக்கப்பட்டிருப்பதாக கூறிய அண்ணாமலை, குறைபாடு உடைய வாக்காளர் பட்டியலுடன் தான் லோக்சபா தேர்தலை எதிர்கொண்டதாகவும் கூறியுள்ளார்.

தமிழ்நாடு உட்பட பல்வேறு மாநிலங்களிலும் சிறப்பு வாக்காளர் திருத்தம் மேற்கொள்ளப்பட்டு வருகிறது. நவம்பர் 4 முதல் SIR பணிகள் தொடங்கப்பட்ட நிலையில், டிசம்பர் 14ஆம் தேதி வரை SIR விண்ணப்பிங்களை சமர்ப்பிக்க கால அவகாசம் அளிக்கப்பட்டுள்ளது. இதன் காரணமாக ஏராளமானோர் வாக்கு உரிமையை இழக்கும் சூழல் நேரலாம் என்று திமுகவினர் கூறி வருகின்றனர்.

இந்த நிலையில் தமிழக வரைவு வாக்காளர் பட்டியலில் டிசம்பர் 19ஆம் தேதி வெளியிடப்படுகிறது. அதன்பின்னரும் புதிய வாக்காளர்கள் தங்களின் பெயரை இணைக்க வழிவகை செய்யப்பட்டுள்ளது. இந்த நிலையில் தமிழக பாஜக முன்னாள் தலைவர் அண்ணாமலை செய்தியாளர்களை சந்தித்து பேசுகையில், சென்னையில் மட்டும் SIR மூலமாக 26 சதவிகித வாக்குகள் நீக்கப்பட உள்ளது.

அப்படியென்றால் 4 வாக்குகளில் ஒரு வாக்கு இல்லை.. SIR பணிகள் மூலமாக வாக்கு சதவிகிதம் உயரும். இந்த தேர்தலில் தமிழ்நாட்டில் 75 ஆயிரத்திற்கும் அதிகமான பூத்கள் உள்ளது. தமிழ்நாட்டில் 5 கோடி முதல் 5.5 கோடி வாக்காளர்கள் தான் இருப்பார்கள். இது பாஜகவுக்கு மட்டுமல்லாமல் அனைவருக்கும் நன்மைதான். இதனால் போலி வாக்குகள் போடுவோருக்கு இது பிரச்சனை.

நாங்கள் 80 லட்சம் வாக்குகள் வரை நீக்க வேண்டும் என்று கோரினோம். தற்போது வரை 77 லட்சம் வாக்காளர்கள் நீக்கப்பட்டுள்ளனர். இதன் மூலமாக வாக்காளர் பட்டியலில் இருந்து 12.5 சதவிகிதம் பேர் நீக்கப்பட்டுள்ளனர். இது ஆச்சரியம் மட்டுமல்ல, அதிர்ச்சியும் தான். இதனால் இந்த வாக்காளர் பட்டியலை வைத்துதான் நாம் லோக்சபா தேர்தலையும் சந்தித்துள்ளோம்.

SIRஐ தீவிரமாக செய்வதால், 100 வாக்காளர்கள் இருக்கக் கூடிய இடத்தில் 12 பேர் நீக்கப்பட்டுள்ளனர். இது SIRன் முதற்கட்ட வெற்றி. இதன்பின் வாக்காளர் பட்டியலில் இருந்து நீக்கப்பட்டவர்களை மீண்டும் இணைக்க 2ஆம் கட்ட SIR பணிகள் நடக்கும். அதில் இன்னும் சில வாக்காளர்கள் சேர்க்கப்படலாம் என்று தெரிவித்துள்ளார்.

English summary

SIR Issue: Former Tamil Nadu BJP president Annamalai has said that the removal of 12 out of 100 voters from the Tamil Nadu voter list is a victory for SIR.