என்னாச்சு.. இந்தியாவில் திடீரென அதிகரித்த கொரோனா பாதிப்பு.. நேற்றை விட 18.4% அதிகம்!

Published: Thursday, September 23, 2021, 12:54 [IST]

Subscribe to Oneindia Tamil

டெல்லி: கடந்த 24 மணி நேரத்தில் இந்தியாவில் 31,923 கொரோனா பாதிப்புகள் பதிவாகின. இது நேற்றைய பாதிப்பை விட 18.4% அதிகமாகும். இந்தியா முழுவதும் கடந்த சில மாதங்களுக்கு முன்பு கொரோனா பாதிப்பு மிக அதிகமாக இருந்தது.

ஆக்சிஜன் பற்றாக்குறை, மருத்துவமனைகளில் படுக்கைகள் தட்டுப்பாடு என்று நாடு படாதபாடு பட்டது. இதன்பின்னர் கொரோனா தொற்று படிப்படியாக குறைந்தது. தற்போது இந்தியாவில் கொரோனா குறைந்து விட்ட போதிலும் முழுமையாக கட்டுக்குள் வரவில்லை. நாட்டில் கேரளா மாநிலத்தில் கொரோனா பாதிப்பு அதிகமாக இருக்கிறது.

31,923 கொரோனா பாதிப்புகள்

மாகாராஷ்டிரா மாநிலத்திலும் அதிக தொற்று ஏற்பட்டு வருகிறது. இந்த நிலையில் கடந்த 24 மணி நேரத்தில் இந்தியாவில் 31,923 கொரோனா பாதிப்புகள் பதிவாகின. இது நேற்றைய பாதிப்பை விட 18.4% அதிகமாகும். நேற்று 26,964 பேருக்கு கொரோனா பாதிப்பு பதிவாகி இருந்தது. மொத்த கொரோனா
பாதிப்பு எண்ணிக்கை 3,35,63,421 ஆக உள்ளது. கடந்த 24 மணி நேரத்தில் 282 உயிரிழப்புகள் ஏற்பட்டுள்ளன. மொத்த உயிரிழப்பு 4,46,050 ஆக இருக்கிறது.

கேரளாதான் பர்ஸ்ட்

நாட்டில் கொரோனாவுக்கு சிகிச்சை பெற்று வருபவர்களின் எண்ணிக்கை 3,01,640 ஆக குறைந்துள்ளது.
நாட்டில் அதிகபட்சமாக கேரளாவில் கடந்த 24 மணி நேரத்தில் 19,675 பாதிப்புகள் ஏற்பட்டு இருக்கின்றன. 142 உயிரிழப்புகள் நிகழ்ந்துள்ளன. கடந்த 24 மணி நேரத்தில் கொரோனாவில் இருந்து 19,702 பேர் குணமடைந்துள்ளனர். கேரளாவின் பல்வேறு மாவட்டங்களில் தற்போது 4,81,195 பேர் கண்காணிப்பில் உள்ளனர்.

மிக குறைவு

மகாராஷ்டிராவில் 3,608 புதிய பாதிப்புகள் பதிவாகியுள்ளன. 48 உயிரிழப்புகள் ஏற்பட்டுள்ளன. ., மகாராஷ்டிராவில் மொத்த தொற்று எண்ணிக்கை 65,31,237 ஆக உயர்ந்துள்ளது. தற்போது 39,984 பேர் கொரோனாவுக்கு சிகிச்சை பெற்று வருகின்றனர். நாட்டில் செயலில் உள்ள மொத்த நோய்த்தொற்றுகளில் 0.90 சதவிகிதம் ஆகும், இது கடந்த ஆண்டு மார்ச் மாதத்திலிருந்து மிகவும் குறைவானதாகும். கொரோனாவில் இருந்து குணமடைபவர்கள் விகிதம் 97.77 சதவிகிதம் ஆக உள்ளது. இது கடந்த ஆண்டு மார்ச் மாதத்துக்கு பிறகு மிக அதிகம் என்று மத்திய சுகாதாரத்துறை தெரிவித்துள்ளது.

பாசிட்டிவ் ரேட்

கடந்த 23 நாட்களாக நாட்டில் கொரோனா நேற்மறை விகிதம்(பாசிட்டிவ் ரேட்)மூன்று சதவீதத்திற்கும் குறைவாகவே உள்ளது. தற்போது கொரோனா பாசிட்டிவ் ரேட் 2.09 சதவீதமாக உள்ளது. இந்தியாவிலேயே கேரளாவில்தான் அதிக பாசிட்டிவ் ரேட் இருக்கிறது. நாடு தழுவிய தடுப்பூசி இயக்கத்தின் கீழ் இதுவரை 83.39 கோடி பேருக்கு தடுப்பூசி அளவுகள் வழங்கப்பட்டுள்ளன.

Published On September 23, 2021