ராகுல் போல 2 ஆண்டு சிறை தண்டனை பெற்ற உ.பி. பாஜக எம்.பி. ராம் சங்கர் கத்தேரியா- பதவி பறிப்பு எப்போது?

டெல்லி: மூத்த காங்கிரஸ் தலைவர் ராகுல் காந்தி போல 2 ஆண்டு சிறை தண்டனை பெற்ற உத்தரப்பிரதேச மாநில பாஜக எம்பி ராம் சங்கர் கத்தேரியா எப்போது தகுதி நீக்கம் செய்யப்படுவார் என்பது பெரும் எதிர்பார்ப்பாக எழுந்துள்ளது.

2019-ம் ஆண்டு லோக்சபா தேர்தல் பிரசாரத்தில் ராகுல் காந்தி பேசிய மோடி பேச்சு இன்றும் பெரும் புயலை வீசிக் கொண்டிருக்கிறது. ராகுல் பேச்சுக்காக அவதூறு வழக்கு தொடரப்பட்டு 2 ஆண்டு சிறை தண்டனை விதிக்கப்பட்டது.

மக்கள் பிரதிநிதித்துவ சட்டத்தின் கீழ் 2 ஆண்டு சிறை தண்டனை விதிக்கப்பட்டதாலேயே உடனே எம்பி பதவியில் இருந்து ராகுல் காந்தி தகுதி நீக்கம் செய்யப்பட்டார். தற்போது மேல்முறையீட்டு மனு மீதான உச்சநீதிமன்றத் தீர்ப்பால் ராகுல் காந்திக்கு விதிக்கப்பட்ட தண்டனை நிறுத்தி வைக்கப்பட்டது. ஆனால் உடனடியாக ராகுல் காந்தி எம்.பி. பதவி திரும்ப வழங்கப்படாததால் சர்ச்சை வெடித்தது. ஒருவழியாக லோக்சபா செயலகம், ராகுல் காந்தி எம்.பி. பதவியை திரும்ப கொடுத்தது. காங்கிரஸ் மற்றும் எதிர்க்கட்சியினரின் பெரும் உற்சாகத்துக்கு நடுவே ராகுல் காந்தி நாடாளுமன்றத்துக்கு மீண்டும் வருகை தந்தார்.

இப்போது ராகுல் காந்தியைப் போல 2 ஆண்டு சிறை தண்டனை பெற்ற உ.பி. பாஜக எம்.பி. விவகாரம் அனலை கிளப்பி இருக்கிறது. 2011-ல் மின்சார நிறுவன ஊழியரைத் தாக்கிய வழக்கில் உத்தரப்பிரதேச மாநில பாஜக எம்பியும் முன்னாள் மத்திய அமைச்சருமான ராம் சங்கர் கத்தேரியாவுக்கு ஆக்ரா நீதிமன்றம் 2 ஆண்டு சிறை தண்டனை விதித்து தீர்ப்பளித்துவிட்டது. தற்போது எட்டாவா லோக்சபா தொகுதி எம்.பி.யாக இருக்கிறார் ராம் சங்கர் கத்தேரியா.

2 ஆண்டு சிறை தண்டனை விதிக்கப்பட்டதால் ராகுல் காந்தி எம்பி பதவி உடனே பறிக்கப்பட்டது போல கத்தேரியாவின் எம்பி பதவி பறிக்கப்பட்டிருக்க வேண்டும். ஆனால் லோக்சபா செயலகம் இன்னமும் நடவடிக்கை எடுக்கவில்லை. இது எதிர்க்கட்சிகளை ஆவேசப்பட வைத்திருக்கிறது. ராகுல் காந்தி விவகாரத்தில் உடனே தகுதி நீக்கம், பங்களா பறிப்பு என வேகம் காட்டிய லோக்சபா செயலகம் இப்போது ஏன் தாமதம் செய்கிறது என்பது எதிர்க்கட்சிகளின் கேள்வி.

ஆனால் லோக்சபா செயலக தரப்போ, கத்தேரியாவுக்கு தண்டனை விதிக்கப்பட்டது தொடர்பான நீதிமன்ற ஆவணங்கள் கிடைப்பதில் சற்று தாமதம். ஆகையால் நடவடிக்கை மேற்கொள்வதிலும் தாமதம் என்கிறது.

ஓயாத அலைகளோ?

English summary

After the 2 years Jailterm, Now BJP MP Ram Shankar Katheria may loss MP Post.