களவு போகும் அணுஆயுத தகவல்கள்! ஜிமெயில்களை ஹேக் செய்யும் வடகொரிய ஹேக்கர்கள்! ஆய்வாளர்கள் பகீர் தகவல்!
டெல்லி: ஜிமெயில்களில் வரும் மெயிலையும் அதில் உள்ள ஃபைல்களையும் வடகொரிய ஹேக்கர்கள் படிப்பதாக ஆய்வாளர்கள் தெரிவிக்கிறார்கள்.
கணினியை ஊடுருவுவது, செல்போனை ஹேக் செய்வது, வங்கி கணக்கை முடக்குவது என ஹேக்கர்கள் அட்டகாசம் நாளுக்கு நாள் அதிகரித்துக் கொண்டே வருகிறது. இதன் மூலம் பல மோசடிகளையும் அரங்கேற்றி வருகிறார்கள்.
இந்த நிலையில் வடகொரிய ஹேக்கர்கள் ஜிமெயிலில் வரும் மெயில்களையும் கோப்புகளையும் படித்து வருவதாக தகவல்கள் வெளியாகியுள்ளன. என்னதான் ஜிமெயிலில் 2 ஸ்டெப் வெரிஃபிகேஷன் செய்திருந்தாலும் அவர்கள் ஹேக் செய்கிறார்கள் என்கிறார்கள் ஆய்வாளர்கள்.
மால்வேர்
அதாவது Volexity எனும் நிறுவனத்தின் SHARPEXT எனும் மால்வேரை பயன்படுத்தி வடகொரிய ஹேக்கர்கள் மெயில்களை ஹேக் செய்கிறார்கள். இது ஒரு ஆண்டுக்கு மேல் பயன்பாட்டில் இருந்து வருகிறது. இந்த மென்பொருள் கூகுள் குரோம் அல்லது மைக்ரோசாப்ட் எட்ஜில் இருந்து உள்ளே நுழைகிறது.
வடகொரிய
இந்த மால்வேரை பயன்படுத்தும் வடகொரிய நிறுவனத்தின் பெயர் Sharp Tongue ஆகும். இந்த ஹேக்கர்களுக்கு வடகொரிய அரசு நிதி அளிக்கிறது. இந்த SHARPEXT எனும் மால்வேர் அமெரிக்கா, ஐரோப்பா, தென்கொரியா உள்ளிட்ட நாடுகளில் அணுஆயுதங்களை குறி வைக்கிறது. இதன் மூலம் அந்த நாடுகளின் பாதுகாப்பு கேள்விக்குறியாகிறது.
ஜிமெயில் அக்கவுண்ட்
இந்த சாப்ட்வேர் மூலம் ஜிமெயில் அக்கவுண்டின் பாஸ்வேர்ட்டை ஹேக்கர்கள் திருடுவதில்லை. அதற்கு பதிலாக ஜிமெயில் கணக்கிலிருந்து நேரடியாக ஆய்வு செய்து தரவை திருடுகிறது. இதுவரை ஆசியாவில் ஜிமெயிலை ஹேக்கர்கள் ஹேக் செய்ததாக தகவல்கள் ஏதும் இல்லை.
400 மில்லியன் டாலர்
இந்த சாப்ட்வேர் விண்டோஸில் மட்டும் வேலை செய்யும். லைனக்ஸ், Mac ஆகிய ஆபரேட்டிங் சிஸ்டங்களில் இயங்காது. கடந்த ஆண்டு 400 மில்லியன் டாலர் மதிப்பிலான கிரிப்டோ கரன்சியை வடகொரிய ஹேக்கர்கள் திருடியது குறிப்பிடத்தக்கது. இதுபோன்ற ஹேக்கர்களை சமாளிக்க குரோம் ஓஎஸ் உள்ளிட்டவை திறம்பட செயல்படும்.
Click it and Unblock the Notifications
Sign in with Google