'முதல் பெஞ்ச் ஸ்டூடண்ட் நான்’.. பள்ளிக்கூடத்தில் புகுந்து கலாட்டா பண்ணிய குரங்கு.. பரவும் வீடியோ!

Updated: Saturday, September 17, 2022, 18:34 [IST]

Subscribe to Oneindia Tamil

டெல்லி: பள்ளியில் மாணவ-மாணவிகள் பாடம் கவனித்துக்கொண்டு இருக்கும் போது குரங்கு ஒன்று முதல் பெஞ்சில் ஏறி அமர்ந்துகொண்டு பாடத்தை கவனிப்பது போல் பாவனை செய்யும் வீடியோ ஒன்று தற்போது சமூக வலைத்தளத்தில் வேகமாக பரவி வருகிறது.

அழகான செல்ல சேட்டைகளால் அடிக்கடி நம் மனதை கவருபவை விலங்குகள் என்று சொல்லலாம்.. நமது வீட்டில் வளர்க்கும் செல்லப்பிராணிகள் முதல் வன விலங்கள் வரை விலங்குகளின் செயல்களை பார்த்து ரசிக்காதவரே இல்லை எனலாம்.

பலரும் வீட்டில் ஓய்வு நேரங்களில் டிஸ்கவரி உள்ளிட்ட சேனல்களில் வனவிலங்களின் செயல்களை ரசித்து பார்ப்பது உண்டு...

குரங்குகளின் சேட்டைகள்

எந்த ஒரு டென்ஷனில் இருந்தாலும் விலங்குகளின் ரசிக்கும் படியான நடத்தைகள் நமது மனைதை இலகுவாக்கிவிடும். அதிலும் குரங்குகளின் சேட்டைகளை எல்லாம் பார்த்துக்கொண்டே இருக்கலாம்.. செவனே என படுத்திருக்கும் சிங்கம் ஒன்றை அதற்கு தெரியாமல் வாலை பிடித்து இழுத்து இழுத்து அதை கோபப்படுத்தி பார்க்கும் ஒரு வீடியோ சமூக வலைத்தளங்களில் பார்க்காதவர்களே இல்லை என்றும் சொல்லலாம். பழைய வீடியோ என்றாலும் அதை இன்று பார்த்தாலும் ரசிக்கும்படியாக இருக்கும்.

செல்பிக்கு போஸ் கொடுக்கும் குரங்குகள்

மனிதன் செய்வதை அப்படியே பிரதிபலித்து செய்து காட்டும் குரங்குகளின் சேட்டைகள் அவ்வப்போது இணையத்திலும் பரவி வைரல் ஹிட் அடிக்கும். இது போன்ற வீடியோக்களை கண்டு ரசிக்க நேரம் போதாது. தலையில் பேன் பார்க்கும் காலம் எல்லாம் இப்போது மலையேறி, செல்பிக்கு போஸ் கொடுக்கும் அளவுக்கு குரங்குகளும் காலத்திற்கு ஏற்ப மாறிவிட்டன. இப்படி குரங்குகள் பன்னும் செல்ல சேட்டைகள் தற்போது இணையத்தில் டிரெண்டிங் ஆகிவிடுகின்றன

பாடம் கவனிக்கும் குரங்கு

இப்படித்தான் ஜார்க்கண்டில் உள்ள அரசுப்பள்ளி வகுப்பறையில் மாணவர்களோடு மாணவர்களாக முதல் பெஞ்சில் குரங்கு ஒன்று அமர்ந்து பாடம் கவனிக்கும் வீடியோ ஒன்று தற்போது இணையத்தில் வேற லெவல் ஹிட் அடித்துக்கொண்டு இருக்கிறது. ட்விட்டரில் தீபக் மஹடோ என்பவர் இந்த வீடியோவை கடந்த வியாழக்கிழமை பகிர்ந்து இருந்தார். இந்த வீடியோ வெளியானது முதல் இணையத்தில் தீயாக பரவி வருகிறது.

முதல் பெஞ்ச் மாணவர் போல்...

இந்த வீடியோவில், மாணவ மாணவிகள் பாடம் கவனித்துக்கொண்டு இருக்கும் போது முதல் பெஞ்சில் ஏறி அமர்ந்து இருக்கும் குரங்கு ஒன்று தானும் பாடத்தை கவனிப்பது போல் பாவனை செய்கிறது. செம ஸ்டைலாக குரங்கு அமர்ந்து இருக்கும் இந்த பதிவு பார்ப்பவர்களை வெகுவாக ரசிக்க வைத்துள்ளது. நெட்டிசன்கள் பலரும் இந்த பதிவுக்கு கீழே ஜாலியாக பதிவிட்டு வருகின்றனர். ஜார்க்கண்டில் உள்ள ஹசரிபாக் பகுதியில் இருக்கும் அரசுப்பள்ளியில் தான் குரங்கு வகுப்பறைக்குள் புகுந்து இந்த சுவாரசிய நிகழ்வை நடத்தியதாக பதிவை வெளியிட்டவர் தெரிவித்துள்ளர். ஆனால் இது எப்போது நடைபெற்றது என்ற விவரம் இல்லை.