"குடி"மக்களின் மூளையே மூளை.. வாட்டர் பாட்டிலை வைத்து.. சரக்கு பாட்டிலுக்கு இடம் பிடித்த சமயோஜிதம்!

டெல்லி: மதுபான கடைகள் முன்பாக நாடு முழுவதும் இன்று 2-வது நாளாகவும் குடிமகன்கள் கூட்டம் அலைமோதியது. பல இடங்களில் நீண்ட வரிசைகளில் நிற்பதற்காக குடிநீர் பாட்டில்கள், ஹேண்ட் பேக் ஆகியவற்றை வைத்து இடம் போட்டு வைத்த கூத்தும் அரங்கேறி உள்ளது.

லாக்டவுன் அமலில் இருந்த போதும் கட்டுப்பாடுகள் தளர்த்தப்பட்டுள்ளன. இதனால் பல மாநிலங்களில் மதுபான கடைகள் நேற்று முதல் திறக்கப்பட்டன.

#WATCH Delhi: Long queue outside a liquor shop in Chander Nagar area. Delhi Government has imposed a "Special Corona Fee" of 70% tax on Maximum Retail Price (MRP) of the liquor. pic.twitter.com/rMSDdOdvZR

— ANI (@ANI) May 5, 2020

போலீஸ் தடியடி

40 நாட்களாக மூடியிருந்த மதுபான கடைகள் திறந்ததுதான் தாமதம்.. குடிமகன்கள் தாகத்தை தீர்க்க மதுபான கடைகள் முன்பு பெருந்திரளாக திரண்டனர். பல இடங்களில் அடிவாங்கி மிதிபட்டு மது பாட்டில்களை வாங்கியும் சென்றனர் குடிமகன்கள்.

கவலையில்லாத கூட்டம்

டெல்லியில் ஆளும் கெஜ்ரிவால் அரசு அதிரடியாக நேற்று ஒரு அறிவிப்பை வெளியிட்டது. டெல்லியில் மதுபான விலை 70% அதிகரிக்கப்பட்டது. ஆனாலும் இதனைப் பற்றி எல்லாம் கவலைப்படாமல் 2-வது நாளாக இன்றும் டெல்லியில் மதுபான கடைகள் முன்பு கூட்டம் காலை முதலே களைகட்டியது.

#WATCH Delhi: A man showers flower petals on people standing in queue outside liquor shops in Chander Nagar area of Delhi. The man says, "You are the economy of our country, government does not have any money". #CoronaLockdown pic.twitter.com/CISdu2V86V

— ANI (@ANI) May 5, 2020

குடிமகன்களுக்கு மரியாதை

டெல்லி லக்‌ஷ்மி நகர் பகுதியில் ஆண்களும் பெண்களும் காலை முதலே வரிசையில் காத்திருந்தனர். அவர்கள் வரிசையில் எந்த இடத்தில் நிற்கிறார்கள் என்பதை அவர்களது கைகளில் எழுதியிருந்தனர். டெல்லியின் இன்னொரு பகுதியில் குடிமகன்கள் அரசுக்கு வருவாயை தருகிறவர்கள் என்பதால் அவர்களுக்கு மலர்தூவி மரியாதை செலுத்தினார் குடிமகன் ஒருவர்.

Karnataka: People use water bottles, bags, helmets, slippers etc to reserve their places in queue, outside liquor shops in Gokul road area of Hubli. #CoronaLockdown pic.twitter.com/wdrvcWSuXI

— ANI (@ANI) May 5, 2020

இப்படியும் இடம்பிடிக்கிறாங்களாம்

கர்நாடகாவில் மதுபான கடை ஒன்றின் முன்பாக விசித்திர காட்சி அரங்கேறி இருந்தது. ஹெல்மெட், வாட்டர் பாட்டில், செருப்பு ஆகியவற்றை வைத்து மதுபான கடை வரிசைகளில் இடம்பிடித்தனர். சிலர் வரிசையில் எப்போது கடை திறக்கும் என காத்திருந்தபடியே பரிதாபமாக அமர்ந்தும் இருந்த காட்சியும் அரங்கேறியது.

English summary

People used water bottles, bags, helmets, slippers etc to reserve their places in queue, outside liquor shops in Karnataka.