பஞ்சாப்: எந்த கட்சிக்கும் பெரும்பான்மை கிடைக்காது- தொங்கு சட்டசபைதான்- ஜீ டிவி சர்வே

டெல்லி: பஞ்சாப் மாநில சட்டசபை தேர்தலில் எந்த ஒரு கட்சிக்கும் பெரும்பான்மை கிடைக்காது; பஞ்சாப் மாநிலத்தில் தொங்கு சட்டசபைதான் அமையும் என்று ஜீ டிவி கருத்து கணிப்பு தெரிவித்துள்ளது.

117 இடங்களைக் கொண்ட பஞ்சாப் சட்டசபைக்கு பிப்ரவரி 20-ந் தேதி தேர்தல் நடைபெற உள்ளது. இத்தேர்தலில் பதிவான வாக்குகள் மார்ச் 10-ந் தேதி எண்ணப்பட்டு முடிவுகள் அறிவிக்கப்படும்.

தொங்கு சட்டசபை- கணிப்புகள்

பஞ்சாப் தேர்தல் தொடர்பான இதுவரையிலான கருத்து கணிப்புகள் அம்மாநிலத்தில் தொங்கு சட்டசபைதான் அமையும்; எந்த கட்சிக்கும் பெரும்பான்மை கிடைக்காது என்றே கூறி வருகின்றன. ஜீ டிவி நடத்திய இறுதி கட்ட கருத்து கணிப்பும் இதனை உறுதி செய்துள்ளது.

ஆம் ஆத்மிக்கு அதிக இடங்கள்

ஜீ டிவி கருத்து கணிப்பு விவரங்கள்: ஆம் ஆத்மி கட்சியே அதிக இடங்களைப் பெறும் கட்சியாக உருவெடுக்கும்; ஆம் ஆத்மி கட்சிக்கு அடுத்ததாக காங்கிரஸுக்கு 2-வது இடம் கிடைக்கும். ஆம் ஆத்மி கட்சிக்கு 39 முதல் 42 இடங்கள்; காங்கிரஸ் கட்சிக்கு 38 முதல் 41 இடங்கள் கிடைக்குமாம். சிரோமணி அகாலிதளம் கட்சிக்கு 25 முதல் 28 இடங்கள் கிடைக்க வாய்ப்புள்ளதாம். பாஜகவுக்கு 3 முதல் 6 இடங்களும் இதர கட்சிகளுக்கு 2 முதல் 5 இடங்களும் கிடைக்கும் என்கிறது ஜீ டிவி சர்வே.

சித்துவுக்கு ஆதரவே இல்லை

முதல்வர் வேட்பாளராக ஆம் ஆத்மியின் பக்வந்த் மானுக்கு 38% பேர் ஆதரவு தெரிவித்துள்ளனர். காங்கிரஸ் கட்சியின் தற்போதைய முதல்வர் சரண்ஜித்சிங்குக்கு 34% பேர் ஆதரவு தெரிவித்துள்ளனர். சிரோமணி அகாலிதளத்தின் சுக்பீர் சிங் பாதலுக்கு 20%; முதல்வர் வேட்பாளர் நானே என அடம்பிடிக்கும் காங்கிரஸின் நவ்ஜோத்சிங்குக்கு 5% பேர் ஆதரவு தெரிவித்துள்ளனர். மாஜி முதல்வர் அமரீந்தர்சிங்குக்கு வெறும் 3% பேர் மட்டுமே முதல்வர் பதவிக்கு ஆதரவு தெரிவித்திருக்கின்றனர்.

கட்சிகளின் வாக்கு சதவீதம்

கட்சிகளின் வாக்கு சதவீதம்: ஆம் ஆத்மி- 34%; காங்கிரஸ் 30%; சிரோமணி அகாலிதளம் 25+%; பாஜக- 6%; இதர கட்சிகள் 5%. இந்த கருத்து கணிப்பு மொத்தம் 80,000 பேரிடம் எடுக்கப்பட்டதாகவும் ஜீ டிவி தெரிவித்துள்ளது.

English summary

Zee news survey predicted that No party to get majority seats in the Punjab Assembly Election.