அத்வானியை நேரில் சந்தித்து பிறந்த நாள் வாழ்த்து சொன்ன மோடி!

டெல்லி: அத்வானியின் 88வது பிறந்த நாளை முன்னிட்டு பிரதமர் மோடி அவரை நேரில் சந்தித்து வாழ்த்து தெரிவித்தார்.

பாஜக மூத்த தலைவர் அத்வானியின் 88வது பிறந்த நாள் இன்று கொண்டாடப்படுகிறது. இதையொட்டி பிரதமர் நரேந்திர மோடி அவருக்கு வாழ்த்து தெரிவித்துள்ளார். இது தொடர்பாக தனது டிவிட்டர் தளத்தில் மோடி கூறியுள்ளதாவது:

அத்வானிஜியின் பிறந்த நாளை முன்னிட்டு அவருக்கு எனது வாழ்த்துக்கள். அவர் நீண்ட ஆயுளுடனும், நல்ல உடல் நலத்துடனும் வாழ வாழ்த்துக்கள். அத்வானிஜியின் இணையற்ற அறிவாற்றல் அவரை பொதுவாழ்வில் மிகச்சிறந்த மனிதராக்கியுள்ளது. நாம் அனைவரும் அவரிடம் இருந்து நிறைய கற்றுக் கொள்ள வேண்டும். பாரதிய ஜனதாவின் இன்றைய நிலைக்கு அத்வானியின் உறுதியான மற்றும் கடின உழைப்பே காரணம். இவ்வாறு அவர் தெரிவித்துள்ளார்.

முன்னதாக, அத்வானியின் வீட்டுக்கே சென்று பூங்கொத்து கொடுத்து அவருக்கு மோடி பிறந்தநாள் வாழ்த்து தெரிவித்தார். தற்போது பாகிஸ்தானில் உள்ள கராச்சியில், நவம்பர் 8 ஆம் தேதி 1927ல் அத்வானி பிறந்தார் என்பது குறிப்பிடத்தக்கது.

English summary

PM Narendra Modi meets senior BJP leader LK Advani in Delhi on the occation of his birth day.