காங். முதல்வர் வேட்பாளர் அஜய் மக்கான் படு தோல்வி! 3வது இடத்துக்கு தள்ளப்பட்டார்!!

டெல்லி: காங்கிரஸ் கட்சியின் டெல்லி முதல்வர் வேட்பாளரான அஜய் மக்கான் தாம் போட்டியிட்ட சதார் பஜார் தொகுதியில் படுதோல்வியைச் சந்தித்தார். அவர் ஆம் ஆத்மி, பாரதிய ஜனதா வேட்பாளர்களுப் பின்னால் 3வது இடத்துக்கு தள்ளப்பட்டார்.

டெல்லி சட்டசபை தேர்தல் வாக்கு எண்ணிக்கையின் தொடக்கம் முதலே காங்கிரஸ் பின்னடைவை சந்தித்தது. ஆம் ஆத்மி முதலிடத்திலும் பாரதிய ஜனதா கட்சி 2வது இடத்திலும் இருந்து வந்தது.

ஒருகட்டத்தில் பாரதிய ஜனதாவும் கூட 3 தொகுதிகள் என்ற நிலைக்கு தள்ளப்பட காங்கிரஸ் கட்சிக்கே முட்டைதான் கிடைத்தது.

இந்த நிலையில் சதார் பஜார் தொகுதியில் போட்டியிட்ட காங்கிரஸ் கட்சியின் முதல்வர் டெல்லி முதல்வர் வேட்பாளர் அஜய் மக்கான் படுதோல்வியை சந்தித்தார்.

அஜய் மக்கான் போட்டியிட்ட சதார் பஜார் தொகுதியில் அவர் 3வது இடத்துக்கு தள்ளப்பட்டார்.

ஆம் ஆத்மி வேட்பாளர் சோம் தத் 67,507; பாரதிய ஜனதா வேட்பாளர் பிரவீன் குமார் ஜெயின் 33, 192 வாக்குகள் பெற்றனர்.

அஜய் மக்கானோ வெறும் 16,331 வாக்குகள் மட்டுமே பெற்று 3வது இடத்துக்குத் தள்ளப்பட்டு படுதோல்வியைச் சந்தித்தார்.

English summary

In Delhi Assembly elections Congress CM Candidate Ajay Maken trailing in Sadar Bazaar.