மோடியின் பதவியேற்பு விழாகுக்கு பாக். பிரதமரை அழைப்பதா? காங். ஆவேசம்

டெல்லி: மோடியின் பதவியேற்பு விழாவுக்கு பாகிஸ்தான் பிரதமர் அழைக்கப்பட்டதற்கு காங்கிரஸ் எதிர்ப்பு தெரிவித்துள்ளது.

நாட்டின் பிரதமராக வரும் 26ம்தேதி நரேந்திரமோடி பதவியேற்கிறார். சார்க் நாடுகளின் பிரதமர்கள், அதிபர்கள் அனைவருக்கும் இதில் பங்கேற்க அழைப்புவிடுக்கப்பட்டுள்ளது. இதுகுறித்து கருத்து தெரிவித்த காங்கிரஸ் மூத்த தலைவர் மனிஷ்திவாரி " தீவிரவாதமும், பேச்சுவார்த்தையும் ஒரே நேரத்தில் நடக்க முடியாது என்று பாஜக கூறிவந்தது. தீவிரவாதமும், அழைப்பிதழ்களும் ஒன்றாக நடைபெற முடியுமா என்பதை பாஜக இப்போது விளக்க வேண்டும்.

தேர்ந்தெடுக்கப்பட்ட ஒரு மத்திய அரசுக்கு தனது பதவியேற்பு விழாவில், கலந்துகொள்ள யாரை அழைக்க வேண்டும் என முடிவெடுப்பதில் முழு சுதந்திரம் உள்ளது. ஆனால் அண்டை நாடுகளுடன் நல்லுறவை பேணுவதற்கு மன்மோகன்சிங் எடுத்த முயற்சிகளை இதே பாஜக கடுமையாக விமர்சனம் செய்தது. தேர்தல் பிரச்சாரம் முழுவதிலுமே, பாகிஸ்தானுக்கு எதிரான முழக்கங்கள்தான் பாஜகவின் உயிர் மூச்சாக இருந்தது. மிகமோசமான வார்த்தைகளால் பிரச்சாரம் செய்தனர். இன்று அதே பாகிஸ்தான் பிரதமருக்கு அழைப்பிதழ் கொடுத்துள்ளனர் என்றார்.

English summary

Congress today attacked BJP over sending an invitation to Pakistan premier Nawaz Sharif for the swearing-in ceremony of Prime Minister designate Narendra Modi, reminding the party of its earlier remarks that terror and talks cannot go hand in hand.