நடிகை ரம்யா எம்.பி.யை கண்டித்து வையுங்கள்: காங். தலைவரிடம் நிர்வாகிகள் புகார்

பெங்களூர்: நடிகை ரம்யா எம்.பி. மீது கர்நாடக மாநில காங்கிரஸ் தலைவரிடம் அக்கட்சியினர் புகார் அளித்துள்ளனர்.

நடிகை ரம்யா எம்.பி. கர்நாடக மாநிலம் மாண்டியா தொகுதியில் இருந்து தேர்ந்தெடுக்கப்பட்டவர். இந்நிலையில் மாண்டியா மாவட்ட வட்டார காங்கிரஸ் தலைவர் லிங்கராஜு உள்பட சில நிர்வாகிகள் அக்கட்சியின் மாநில தலைவர் பரமேஸ்வரை சந்தித்து ரம்யா மீது புகார் கொடுத்தனர்.

அவர்கள் பரமேஸ்வரிடம் கூறியதாவது,

ரம்யா எம்.பி. இடைத்தேர்தலின்போது காங்கிரஸ் கட்சிக்கு எதிராக பிரச்சாரம் செய்த பாஜக பெண் நிர்வாகி ஒருவரின் வீட்டுக்கு சென்று வந்துள்ளார். இது சரி அன்று. இந்த விவகராம் குறித்து அவர் மீது நடவடிக்கை எடுக்க வேண்டும்.

மேலும் அவர் அரசு அதிகாரிகளை ஒருமையில் அழைக்கிறார். இதனால் வளர்ச்சி பணிகள் பாதிக்கப்படுகின்றன. தொகுதியில் எந்த முடிவு எடுத்தாலும் கட்சி நிர்வாகிகளுடன் கலந்தாலோசித்த பிறகே எடுக்க வேண்டும் என்று அவருக்கு நீங்கள் உத்தரவிடுங்கள் என்று தெரிவித்தனர்.

English summary

Mandya district congress functionaries complained about Ramya MP to the party's state president Parameswar.