மோடி ஒரு 'நாச புருஷர்': உமா பாரதி பேசிய வீடியோவை வெளியிட்ட காங்கிரஸ்

By Siva

Updated: Monday, May 5, 2014, 14:37 [IST]

Subscribe to Oneindia Tamil

டெல்லி: பாஜக தலைவர் உமா பாரதி அக்கட்சியின் பிரதமர் வேட்பாளரான மோடியை நாச புருஷர் என்று கூறும் வீடியோவை காங்கிரஸ் வெளியிட்டுள்ளது.

பாஜக தங்கள் கட்சியின் பிரதமர் வேட்பாளாரன நரேந்திர மோடியை ஆஹா, ஓஹோ என்று கூறி வருகிறது. இந்நிலையில் அதே பாஜகவைச் சேர்ந்த உமா பாரதி மோடியை நாச புருஷர் என்று கூறும் வீடியோவை காங்கிரஸ் வெளியிட்டுள்ளது.

அந்த வீடியோவில் உமா கூறியிருப்பதாவது,

Congress releases video, says Uma Bharti called Modi 'Vinash Purush'

மோடி ஒன்றும் முன்னேற்ற புருஷர் அல்ல மாறாக நாச புருஷர். மோடி ஒரு சர்வாதிகாரி என்று தெரிவித்துள்ளார்.

இந்த வீடியோ உமா பாரதி பாஜகவில் இல்லாமல் சொந்தமாக பாரதிய ஜன்சக்தி கட்சியை நடத்தியபோது கூறியது என்று கூறப்படுகிறது.

மோடியை உமா பாரதி தாக்கிப் பேசியுள்ளது இது ஒன்றும் முதல் முறை அல்ல. ஒரு மாதத்திற்கு முன்பு கூட பேசிய உமா, முன்னாள் பிரதமர் வாஜ்பாய் மோடியை விட சிறந்த பேச்சாளர் என்றார்.

உமா பாரதி பாஜகவுடன் சேர்வதும், பிரிவதுமாக இருந்து வருகிறார். தற்போது பாஜகவில் இருக்கும் அவர் மத்திய பிரதேச மாநிலம் போபாலில் போட்டியிட விரும்பினார். ஆனால் அவருக்கு உத்தர பிரதேச மாநிலம் ஜான்சியில் போட்டியிடத் தான் சீட் கொடுக்கப்பட்டது. பின்னர் உமாவை சோனியா காந்தியை எதிர்த்து போட்டியிட வைக்க பாஜக முயற்சி செய்தது. அவரோ நான் ஜான்சியிலேயே போட்டியிட்டுக் கொள்கிறேன் என்று தெரிவித்துவிட்டார்.