டெபுடி சி.எம் காரை ஓவர் ஸ்பீடுல ஓட்டிய டிரைவர்.... ஃபைன் போட்ட கறார் டெல்லி போலீஸ்!!

டெல்லி: டெல்லி துணை முதல்வர் மணிஷ் சிசோடியா அதிக வேகத்தில் காரை ஓட்டியதாக கூறி போலீசார் அபராதம் விதித்துள்ளனர்.

டெல்லி துணை முதல்வர் மனிஷ் சிசோடியா கடந்த 12-ந் தேதி காஜூரி காஸ் பகுதிக்கு சென்று கொண்டிருந்தார். அப்போது அவரது கார் அனுமதிக்கப்பட்ட அளவைவிட அதிவேகமாக சென்றதை அப்பகுதியில் பணியில் ஈடுபட்டிருந்த போக்குவரத்து போலீசார் கண்டறிந்தார்.

அடுத்த சந்திப்பில் நின்ற போக்குவரத்து போலீசாருக்கு கார் வேகமாக வரும் தகவலை தெரியப்படுத்தினார். இதைத்தொடர்ந்து அதிவேகமாக காரை ஓட்டியதற்காக மணிஷ் சிசோடியா கார் ஓட்டுநருக்கு ரூ 400 அபராதம் விதித்தனர்.

இந்த தகவலை போக்குவரத்து துறையின் மூத்த போலீஸ் அதிகாரி தெரிவித்தார். மேலும் அபராதம் விதித்த போலீஸ் அவரது கடமையை செய்துள்ளதாகவும் போலீஸ் தரப்பில் விளக்கம் அளிக்கப்பட்டுள்ளது.

English summary

Delhi deputy chief minister Manish Sisodia's car was found to be over-speeding last week and his driver was fined, police said on Friday.