தற்காலிக லோக்சபா சபாநாயகராக கமல்நாத் நியமனம்!

டெல்லி: லோக்சபா தற்காலிக சபாநாயகராக நாடாளுமன்ற விவகாரங்களுக்கான முன்னாள் அமைச்சரும் காங்கிரஸ் கட்சியின் மூத்த தலைவர்களில் ஒருவருமான கமல்நாத் நியமிக்கப்பட்டுள்ளார்.

மத்திய பிரதேச மாநிலம் சிந்த்வாரா தொகுதியில் இருந்து தொடர்ந்து 9 முறை தேர்ந்து எடுக்கப்பட்டவர் கமல்நாத். தற்காலிக சபாநாயகராக அவரது பெயரை மோடி அரசு, ஜனாதிபதி பிரணாப் முகர்ஜிக்கு கடந்த வாரம் பரிந்துரை செய்திருந்தது.

இதனை ஏற்றுக்கொண்ட ஜனாதிபதி, புதிய சபாநாயகர் தேர்ந்தெடுக்கப்படும் வரை தற்காலிக சபாநாயகராக கமல்நாத்தை நியமித்து உத்தரவிட்டார். சபாநாயகர் பணியில் அவர் தனது கடமைகளைச் செய்வார் என்றும் அந்த உத்தரவில் கூறப்பட்டு உள்ளது.

English summary

Former Parliamentary Affairs Minister and senior Congress leader Kamal Nath has been appointed as the Protem Speaker in the new Lok Sabha.