வதோதரா, வாரனாசியில் மோடி மாபெரும் வெற்றி
காந்திநகர்: பாஜக பிரதமர் வேட்பாளரான நரேந்திர மோடி தான் போட்டியிட்ட வதோதரா மற்றும் வாரனாசி ஆகிய இரண்டு தொகுதிளிலுமே வெற்றி பெற்றுள்ளார்.
நாடாளுமன்ற தேர்தலில் பாஜகவின் பிரதமர் வேட்பாளரான நரேந்திர மோடி குஜராத் மாநிலம் வதோதரா மற்றும் உத்தர பிரதேச மாநிலம் வாரனாசி ஆகிய இரண்டு தொகுதிகளில் போட்டியிட்டார். வாரனாசியில் மோடியை எதிர்த்து ஆம் ஆத்மி கட்சி தலைவர் அரவிந்த் கெஜ்ரிவால் போட்டியிட்டார்.
இந்நிலையில் இன்று காலை வாக்குப் பதிவு துவங்கியதில் இருந்தே வதோதரா மற்றும் வாரனாசியில் மோடி முன்னிலை வகித்தார். வதோதராவில் அவர் 4 லட்சத்திற்கும் அதிகமான வாக்குகள் வித்தியாசத்தில் வெற்றி பெற்றார்.
வாரனாசியில் அரவிந்த் கெஜ்ரிவாலை விட 1 லட்சத்து 70 ஆயிரம் வாக்குகள் அதிகம் பெற்று வெற்றி பெற்றுள்ளார் மோடி. வாரனாசியில் மண்ணின் மைந்தரான காங்கிரஸ் வேட்பாளரான அஜய் ராய் தோல்வி அடைந்துள்ளார்.
காங்கிரஸுக்கு 60 ஆண்டுகள் கொடுத்தீர்கள் எங்களுக்கு 60 மாதங்கள் கொடுத்துப் பாருங்கள் என்று வாரனாசியில் மோடி தெரிவித்தார் என்பது குறிப்பிடத்தக்கது.
Click it and Unblock the Notifications
Sign in with Google