பாஜகவுக்கு ஓட்டு போட்ட மனைவியை விவாகரத்து செய்த கணவன்! அசாமில் அதிர்ச்சி

குவஹாத்தி: பாஜகவுக்கு ஓட்டு போட்டதால் பெண்ணை அவரது கணவர் விவாகரத்து செய்த சம்பவம் அசாம் மாநிலத்தில் நடந்துள்ளது.

அசாம் மாநிலத்துக்கு சட்டசபை தேர்தல் நடந்து வருகிறது. சோனிட்புர் மாவட்டம், தோனம் அட்டகட்டி என்ற கிராமத்தில் உள்ள மக்கள் எல்லோரும், காங்கிரஸ் வேட்பாளருக்குதான் ஓட்டுபோட வேண்டும் என்று ஊர் தலைவர் உத்தரவிட்டிருந்தார்.

இதை மீறி ஐனுதீன் என்பவர் மனைவி தில்வாரா பேகம், பாஜக வேட்பாளர் பிரமோத் போரத்கருக்கு வாக்களித்தாராம். இதை கணவரிடமும் கூறியுள்ளார்.

ஆத்திரமடைந்த ஐனுதீன், 10 வருட திருமண வாழ்க்கைக்கு குட்பை சொல்லி, மனைவியை விவாகரத்து செய்துள்ளதாக கூறப்படுகிறது. அசாம் மாநில பத்திரிகைகளில் இன்று இது பரபரப்பு செய்தியாக உலவியது.

English summary

In a bizarre turn of events a Muslim man reportedly divorced his wife in an Assam village when she decided to vote for BJP, going against the village diktat to vote for Congress during the state Assembly elections.