மாப்பிள்ளைக்கு அம்புட்டு ஆசை.. மாமியார் வீட்டிலிருந்த மனைவியை பார்க்க அரசு பஸ்சை எடுத்து சென்ற கணவன்

அமராவதி: மாமியார் வீட்டிற்கு சென்ற மனைவியை பார்ப்பதற்கு செல்ல வந்த பயணி ஒருவர், பேருந்து எதுவும் இல்லாததால், அரசு பேருந்தை தானே எடுத்து சென்ற சம்பவம் ஆந்திராவில் பரபரப்பை ஏற்படுத்தியுள்ளது. பேருந்தை காணாததால், பஸ் ஊழியர்கள் அளித்த புகாரின் அடிப்படையில் நடு வழியில் பஸ்சை மடக்கி, அந்த பயணியை கைது செய்துள்ளனர்.

ஆந்திர மாநிலம் நந்தியாலா மாவட்டத்தில் உள்ள ஆத்மகூறு பேருந்து நிலையத்தில் நிறுத்தப்பட்டு இருந்த அரசு பெருந்து திடீரென மாயமானது. நள்ளிரவில் நிறுத்தி வைக்கப்பட்டு இருந்த பேருந்து காலையில் வந்து பார்த்த போது காணாமல் போனதைக் கண்டு பதறிப்போன பேருந்து ஊழியர்கள் உயர் அதிகாரிகளுக்கு தகவல் கொடுத்தனர்.

உயர் அதிகாரிகளின் அறிவுறுத்தலின் பேரில் அங்குள்ள காவல் நிலையத்தில் பேருந்து ஊழியர்கள் புகாரளித்தனர். இந்த புகாரின் அடிப்படையில் போலீசார் வழக்குப்பதிவு செய்து விசாரணையை தொடங்கினர். அப்பகுதியில் உள்ள சிசிடிவி காட்சிகளின் அடிப்படையில் போலீசார் பேருந்தை கடத்தியது யார் என்று தேடினர்.

நடுவழியில் பயணியை இறக்கிவிட்ட ஆம்னி பஸ்.. மறக்க முடியாத உத்தரவிட்ட நுகர்வோர் நீதிமன்றம்


அப்போது, ஆள் இல்லாமல் ஒரு அரசு பேருந்து சென்று கொண்டு இருப்பதாக பேருந்து ஊழியர்களுக்கு தகவல் கிடைத்தது. இந்த தகவலையும் காவல்துறையிடம் பகிர்ந்த போக்குவரத்து ஊழியர்கள், உடனடியாக பேருந்தை மீட்டு தருமாறு வலியுறுத்தினர். இந்த தகவலை வைத்து போலீசார் பேருந்தை மீட்டனர். பேருந்தை ஓட்டி வந்த நபரை கைது செய்து விசாரணை நடத்தினர்.

அப்போது, அந்த நபர் அளித்த வாக்கு மூலம் போலீசாரை ஒரு நிமிடம் திகப்படைய வைத்துள்ளது. அதாவது, எனது மனைவி அவரது தாயார் வீட்டிற்கு சென்றுள்ளார். மாமியார் வீட்டு உள்ள மூச்சுர் என்ற கிராமத்திற்கு செல்ல நான் பேருந்து நிலையம் வந்த போது பேருந்து எதுவும் இல்லாதது தெரியவந்தது. இதனால், பஸ் ஸ்டாண்டில் நிறுத்தி வைக்கப்பட்டு இருந்த ஒரு பஸ்சை எடுத்து செல்லலாம் என நினைத்தேன்.

இன்டெர்நெட்டே தேவையில்லை.. வாட்ஸ் அப்பில் வீடியோ, போட்டோக்களை அனுப்பலாம்.. வரப்போகும் அசத்தல் வசதி


கனரக லாரி ஓட்டுநரான நான், பேருந்தில் ஏறி ஸ்டார்ட் செய்தேன். அப்போது பேருந்தும் இயங்கியது. இதனால், பேருந்தை எடுத்து சென்று விட்டேன்' என்று கூறியுள்ளார். இதையடுத்து அந்த நபரை கைது செய்த போலீசார் அவர் கூறும் தகவல்கள் உண்மைதானா என தீவிர விசாரணை நடத்தி வருகின்றனர். மாமியார் வீட்டிற்கு சென்ற மனைவியை பார்ப்பதற்காக அரசு பஸ்சை பயணி ஒருவர் எடுத்து சென்ற சம்பவம் ஆந்திராவில் பரபரப்பை ஏற்படுத்தியுள்ளது.

English summary

A passenger who had come to see his wife who had gone to his in-laws' house, took a government bus himself as there was no bus, has created a stir in Andhra Pradesh. As the bus was not found, based on the complaint filed by the bus staff, they stopped the bus midway and arrested the passenger.