ஜப்பான் செல்கிறார் மோடி.. ராணுவம், பொருளாதாரம் தொடர்பான முக்கிய ஒப்பந்தங்களில் கையெழுத்து
அடுத்த மாதம் 11ம் தேதி பிரதமர் மோடி ஜப்பானுக்கு செல்கிறார். அங்கு ராணுவம், பொருளாதாரம் தொடர்பாக முக்கிய ஒப்பந்தங்கள் கையெழுத்தாகும் என தகவல்கள் வெளியாகியுள்ளன.
டெல்லி: நவம்பர் 11ம் தேதி இரண்டு நாள் பயணமாக பிரதமர் மோடி ஜப்பான் நாட்டிற்கு செல்கிறார். அப்போது, ராணுவம் மற்றும் பொருளாதாரம் குறித்த முக்கிய ஒப்பந்தங்கள் கையெழுத்தாகும் என்று பிரதமர் அலுவலகத் தகவல்கள் தெரிவிக்கின்றன.
அடுத்த மாதம் 11 மற்றும் 12 ஆகிய இரண்டு தினங்கள் அரசு முறைப் பயணமாக பிரதமர் மோடி ஜப்பான் செல்ல திட்டமிட்டிருக்கிறார். இந்தியா ஜப்பான் ஆகிய இருநாட்டு பிரதமர்களும் சந்தித்துக் கொள்ளும் ஆண்டு மாநாட்டில் கலந்து கொள்ள செல்லும் பிரதமர் மோடி ஜப்பான் பிரதமர் ஷின்சோ அபேவை சந்தித்து பேச உள்ளார்.
அவருடன் அரசு அதிகாரிகள் குழு ஒன்றும் செல்கிறது. இந்த இரு நாள் பயணத்தின் போது இந்தியா ஜப்பான் உறவை மேம்படுத்தும் வகையிலான பேச்சுவார்த்தைகள் நடைபெற உள்ளன. அப்போது, பொருளாதாரம், ராணுவம், அறிவியல் ஆய்வு குறித்த முக்கிய ஒப்பந்தங்கள் கையெழுத்தாகும் என்று தெரிகிறது.
கடந்த 2014ம் ஆண்டு முதன்முறையாக இருநாட்டு பிரதமர்கள் சந்திக்கும் ஆண்டு மாநாட்டு ஜப்பானில் நடைபெற்றது. அப்போது, பிரதமர் மோடி ஜப்பான் நாட்டிற்கு சென்று மாநாட்டில் பங்கேற்றார். இரண்டாவது முறையாக நடைபெறும் மாநாட்டில் பங்கேற்க மோடி அடுத்த மாதம் ஜப்பானுக்கு செல்கிறார். கடந்த ஆண்டு இரு நாட்டு பிரதமர்களின் இரண்டாவது ஆண்டு சந்திப்பு டெல்லியில் நடைபெற்றது குறிப்பிடத்தக்கது.
Click it and Unblock the Notifications
Sign in with Google