பன்டி, இந்தா பிடி உன்னோட 3டி போட்டோ... கலக்கும் மும்பை வெஸ்ட்சைட் ஷோரூம்!
மும்பை: மும்பையிலுள்ள ஒரு பிரபல ஆடைகள் ஷோரூமில் சிறுவர், சிறுமிகளின் 3டி வடிவம் அவர்களுக்கே அளிக்கப்பட்டது.
மும்பை, மலாட் இன்பினிட்டி2 மாலிலுள்ள, வெஸ்ட்சைட் ஆடைகள் ஷோரூமில், சிறுவர்களை கவர புதுமையான ஒரு திட்டத்தை வகுத்தனர். அதன்படி, ஷோரூமுக்கு வரும் சிறுவர்களின் உருவத்தை அவர்களுக்கே பரிசளிக்க முடிவு செய்தனர்.
சிறுவர் சிறுமிகளை புகைப்படம் எடுத்து அதை கம்ப்யூட்டரில் 3டி வடிவமாக மாற்றி, பொம்மையாகவும் தயாரித்து தருகின்றனர். அந்த பொம்மை வடிவம் அச்சு, அசலாக புகைப்படம் எடுத்துக் கொண்ட சிறுவர், சிறுமிகளை போலவே உள்ளது.
சிறுவர்கள் எந்த ஆடையை தேர்ந்தெடுக்கிறார்களோ அதே ஆடையை அந்த வடிவத்தில் பொருத்தி கொடுக்கின்றனர். இதற்கு ஒருவருக்கு ரூ.8ஆயிரம் வரை செலவாகும்.
ஸ்பைடர்மேன், சோட்டா பீம் போன்ற கார்ட்டூன் கதாப் பாத்திரங்களின் பொம்மைகளை வாங்கி விளையாடும் குழந்தைகளுக்கு, தங்களது உருவ பொம்மைகளை வைத்து விளையாடுவது புது அனுபவமாக இருப்பதால் துணி ஷோரூமில் குழந்தைகள் பட்டாளம் குவிந்தது.
இந்த ஆஃபர் நவம்பர் 28 முதல் 30ம் தேதிவரை மட்டும் அமலில் இருந்தது.
டாடா நிறுவனத்தின் டிரென்ட் பிராண்டின் ஒரு பிரிவுதான் வெஸ்ட்சைட். 1998ம் ஆண்டு முதல், இந்த நிறுவனம் செயல்பட்டு வருகிறது.
Click it and Unblock the Notifications
Sign in with Google