அமெரிக்காவுக்கு ஜுன் மாதம் பறக்கிறார் பிரதமர் மோடி,, ஒபாமாவுடன் சந்திப்பு

டெல்லி: பிரதமர் நரேந்திரமோடி 2 நாட்கள் சுற்றுப் பயணமாக ஜூன் மாதம் அமெரிக்காவுக்கு சுற்றுப்பயணம் மேற்கொள்கிறார்.

அமெரிக்க அதிபர் ஒபாமா, பிரதமர் நரேந்திர மோடிக்கு அமெரிக்கா வருமாறு அழைப்பு விடுத்திருந்தார். இந்த அழைப்பை ஏற்றுக்கொண்ட பிரதமர் மோடி 2 நாட்கள் பயணமாக ஜூன் 7-ந் தேதி அமெரிக்காவுக்கு செல்கிறார்.

இந்த சுற்றுப்பயணத்தின் போது, இரு தலைவர்களும் பொருளாதாரம், ராணுவம், எரிசக்தி, பாதுகாப்பு, சுற்றுச்சூழல் உள்ளிட்ட துறைகளில் இரு நாடுகளிடையிலான ஒத்துழைப்பின் முன்னேற்றம் குறித்து பேச்சுவார்த்தை நடத்துகிறார்.

மேலும், அமெரிக்க நாடாளுமன்ற கூட்டுக் கூட்டத்தில் பிரதமர் மோடி உரையாற்றுகிறார். இக்கூட்டத்தில் உரையாற்றும் 5-வது இந்திய பிரதமர் மோடி என்பது குறிப்பிடத்தக்கது.

அமெரிக்க பயணத்துக்கு முன்பாக, 2 நாட்கள் பயணமாக ஜூன் 4-ந் தேதி கத்தார் நாட்டுக்கு பிரதமர் செல்கிறார். பின்னர் ஈரானுக்கு செல்லும் அவர், அங்கிருந்து அமெரிக்காவுக்கு செல்கிறார்.

English summary

Prime Minister Narendra Modi will undertake a two-day visit to the US from June 7 during which he hold talks with President Barack Obama to review the progress made in key areas of defence, security and energy.