நீண்ட நாள் காதலியுடன் “டும் டும் டும்” - பிரபலங்கள் கலந்து கொண்ட ரோகித் சர்மா திருமணம்!
மும்பை: இந்திய கிரிக்கெட் அணியின் முன்னணி பேட்ஸ்மேன்களில் ஒருவர் ரோகித் சர்மா தனது நீண்ட கால தோழியான ரித்திகாவை காதலித்து வந்தார்.
அவரையே நேற்று மகிழ்வாக மும்பையில் கிரிக்கெட் உலகமே திரண்டு வந்து வாழ்த்த கைபிடித்துள்ளார்.
இத்திருமண நிகழ்ச்சியில் பல்வேறு பிரபலங்கள் கலந்து கொண்டனர்.
திருமண நன்நாள்:
இந்நிலையில் அவர்களது திருமண நிச்சயதார்த்தம் கடந்த மே மாதம் மும்பையில் நடந்தது. ரோகித் சர்மா-ரித்திகா திருமணம் பாந்த்ராவில் உள்ள நட்சத்திர ஹோட்டலில் நேற்று நடைபெற்றது.
நீண்ட நாள் தோழி:
இந்திய கிரிக்கெட் அணியின் அதிரடி வீரரான ரோகித் சர்மா தனது காதலி ரித்திகா சாஜ்தேவை மணந்துள்ளார். இவர்களது திருமணம் நேற்று மும்பையில் உள்ள நட்சத்திர ஹோட்டல் ஒன்றில் நடந்தது. வரவேற்பு நிகழ்ச்சியை தொடர்ந்து இவர்களது திருமணம் நடைபெற்றது.
குவிந்த பிரபலங்கள்:
இவர்களது திருமணத்திற்கு சச்சின் தனது மனைவி அஞ்சலியுடனும், டோணி தனது மனைவி சாக்ஷியுடனும் வந்திருந்தனர். அதே போல், யுவராஜ் சிங் தனது காதலி ஹசல் கீச்சுடன் வந்திருந்தார்.
புதுமாப்பிள்ளை:
சமீபத்தில் இந்திய சுழற்பந்துவீச்சாளர் ஹர்பஜன் சிங் தனது நீண்ட நாள் தோழியான கீதா பாஸ்ராவை திருமணம் செய்தார். தற்போது புதுமாப்பிள்ளை வரிசையில் ரோகித்தும் இணைந்துள்ளார்.
விருந்து உபச்சாரம்:
கடந்த வெள்ளிக்கிழமை நீட்டா மற்றும் முகேஷ் அம்பானி மும்பை அணியின் வீரர்கள் மற்றும் புதுமாப்பிள்ளைகளான ரோகித் சர்மா, ஹர்பஜன் சிங்கிற்கு அவர்களது இல்லத்தில் விருந்தளித்தனர் என்பது குறிப்பிடத்தக்கது.
Click it and Unblock the Notifications
Sign in with Google