டெல்லியில் ஆர்.எஸ்.எஸ். தலைவர் மோகன் பகவத்தின் பாதுகாப்பு வாகனம் விபத்தில் சிக்கியதால் பரபரப்பு!

டெல்லி: ஆர்.எஸ்.எஸ். இயக்கத்தின் தலைவர் மோகன் பகவத்தின் பாதுகாப்பு வாகனம் மீது கார் ஒன்று மோதிய சம்பவம் டெல்லியில் பரபரப்பை ஏற்படுத்தியது.

பாரதிய ஜனதாவின் மூத்த தலைவரும் மத்திய அமைச்சருமான கோபிநாத் முண்டே நேற்று சாலை விபத்தில் சிக்கி காலமானார். இந்த சம்பவம் நாடு முழுவதும் பெரும் அதிர்ச்சியை ஏற்படுத்தியது.

இந்நிலையில் டெல்லியில் பரேடு சாலையில் மோகன் பகவத் வாகனம் விமான நிலையம் நோக்கி சென்று கொண்டிருந்தது. அப்போது மோகன் பகவத்தின் பாதுகாப்பு வாகனம் மீது ஹரியானா பதிவு எண் கொண்ட கார் மோதி விபத்து ஏற்பட்டது.

இந்த விபத்தில் யாருக்கும் காயம் ஏற்படவில்லை. மோகன் பகவத்தின் பாதுகாப்பு வாகனம் மீது காரை மோதிவிட்டு தப்பி ஓடிய ஓட்டுநரை போலீஸ் வலைவீசி தேடி வருகின்றனர்.

இது தொடர்பாக ஆர்.எஸ்.எஸ்.இயக்கத்தின் செய்தித் தொடர்பாளர் ராம் மாதவ் தமது ட்விட்டர் பக்கத்தில், மோகன் பகவத்தின் வாகனம் விபத்துக்குள்ளாகவில்லை. அவரது பாதுகாப்புக்குச் சென்ற வாகனமே விபத்துக்குள்ளானது. மோகன் பகவத் நலமுடன் இருக்கிறார். என்று கூறியுள்ளார்.

English summary

A day after Union Rural Development Minister Gopinath Munde died in a car crash, a car carrying registration number issued by Haryana on Wednesday rammed into RSS chief Mohan Bhagwat's convoy.