மோடியின் உருது வெப்சைட்டை துவக்கி வைத்த நடிகர் சல்மான் கானின் தந்தை
மும்பை: நடிகர் சல்மான் கானின் தந்தையும், பிரபல திரைக்கதை ஆசிரியருமான சலிம் கான் பாஜகவின் பிரதமர் வேட்பாளரான நரேந்திர மோடியின் அதிகாரப்பூர்வ இணையதளத்தின்(www.narendramodi.in/) உருது பதிப்பை துவக்கி வைத்தார்.
பாஜகவின் பிரதமர் வேட்பாளரான நரேந்திர மோடியின் பெயரில் அதிகாரப்பூர்வ இணையதளம்(www.narendramodi.in/) உள்ளது. இந்த இணையதளம் இந்தி, குஜராத்தி, தமிழ், ஆங்கிலம் என பல்வேறு மொழிகளில் உள்ளது. இந்நிலையில் இந்த இணையதளத்தின் உருது பதிப்பை நடிகர் சல்மான் கானின் தந்தையும், பிரபல திரைக்கதை ஆசிரியருமான சலிம் கான் இன்று மும்பையில் உள்ள தனது இல்லத்தில் துவக்கி வைத்தார்.
சலிம் கான் மோடியின் ஆதரவாளர் ஆவார். குஜராத் கலவர விவகாரத்தில் கூட மோடிக்கு ஆதரவாக குரல் கொடுத்தவர் சலிம். மேலும் குஜராத்தில் முஸ்லீம்கள் பாதுகாப்பாக இருப்பதாகவும், கடந்த 12 ஆண்டுகளில் அந்த மாநிலத்தில் எந்தவித கலவரமும் நடக்கவில்லை என்றும் சலிம் தெரிவித்திருந்தார்.
1992ம் ஆண்டில் மும்பையில் கலவரம் நடந்தபோது அப்போதைய மகாராஷ்டிரா முதல்வரை யாரும் குறைகூறவில்லை. ஏன் அப்போது முதல்வராக இருந்தவரின் பெயர் கூட பலருக்கு நினைவில் இருக்காது என்று சலிம் செய்தி தொலைக்காட்சி ஒன்றுக்கு அளித்த பேட்டியில் கூறியுள்ளார்.
Click it and Unblock the Notifications
Sign in with Google