Click it and Unblock the Notifications
Don't Miss
-
வெங்காய பிஸ்னஸ் ஐடியா: குறைந்த முதலீட்டில் நல்ல லாபம் ஈட்டுவது எப்படி? -
அரண்மனை 4 எடுக்க சிறுமிகள்தான் காரணம்.. சுந்தர்.சி சொன்ன ஆச்சரிய தகவல் -
100 சதவீதம் வாக்குப்பதிவு கேட்கும் அரசு இதையெல்லாம் கவனிக்க மாட்டாங்களா? விமானங்களின் டிக்கெட் விலை உயர்வு! -
எப்பா சாமி! இப்படி யாக்கர் போட்றாரு? முஸ்தபிசுர் போனாலும் இனி கவலையில்ல.. Gleeson பவுலிங் வீடியோ -
ஏசி அறையில் தூங்குவதால் உங்க உடலில் என்னென்ன பிரச்சினைகள் வரலாம் தெரியுமா? ஏசி ரூம்ல இப்படி தூங்காதீங்க...! -
ஆஹா.. கொடுத்துவச்சவங்கயா Jio பயனர்கள்.. கிள்ளிக்கொடுக்காம அள்ளிக்கொடுக்கும் அம்பானி.. பெஸ்ட் பிளான்ஸ்.. -
திருப்பதி பெருமாளை தரிசிக்க வேண்டுமா – ஏப்ரல் 24 ஆம் தேதி டிக்கெட் புக் பண்ண மறந்துடாதீங்க! -
பிளஸ்-2 படித்திருந்தால் போதும்...மத்தியஅரசு வேலை தயார்..!!
அந்த வீடியோ உண்மைதான்.. அடித்துச் சொல்கிறார் டிஐஜி ரூபா
சிறையில் சசிகலா கைப்பையுடன் இருப்பதுபோல வெளியாகியுள்ள வீடியோ உண்மையானதுதான் என்று டிஐஜி ரூபா கூறியுள்ளார்.
பெங்களூரு: கையில் பையுடன் சசிகலா ஷாப்பிங் போய்விட்டு வருவது போல வெளியான வீடியோ அனைத்தும் உண்மைதான். ஆனால் சி.சி.டி.வியில் பதிவான காட்சிகள் எப்படி வெளியானது என்றுதான் தெரியவில்லை என்று போலீஸ் டிஐஜி ரூபா கூறியுள்ளார்.
சிறைத்துறை டிஐஜியாக இருந்த ரூபா, சசிகலாவுக்குச் சிறப்பு சலுகைகள் வழங்கப்படுவதாகவும், அதற்காக கோடிக்கணக்கில் பணம் கைமாறி இருப்பதாகவும் குற்றம் சாட்டியிருந்தார். தொடர்ந்து, சசிகலா பற்றிய வீடியோ காட்சிகள் வெளியாகி பரபரப்பை உண்டாக்கின.
இந்த வீடியோவில் இருப்பது உண்மையில்லை என்று அதிமுகவினர் கூறி வருகின்றனர். ஆனால் அவை அனைத்தும் உண்மைதான். ஆனால் சி.சி.டி.வியில் பதிவான காட்சிகள் எப்படி வெளியானது என்றுதான் தெரியவில்லை. அதற்கும் எனக்கும் எந்த தொடர்பும் இல்லை என்று டிஐஜி ரூபா கூறியுள்ளார்.
டிடிவி தினகரன்
பெங்களூர் சிறையில் சசிகலாவுக்கு விதியை மீறி எவ்வித சலுகைகளும் காட்டப்படவில்லை. அவர் சிறையில் இருந்து ஷாப்பிங் சென்று வருவது போல் வீடியோ வெளியிடப்படுகிறது.இதன் மூலம் சிறையில் இருப்பவர்களை தேவையில்லாமல் வம்புக்கு இழுக்கிறார்கள் என்றும் டிடிவி தினகரன் கூறியிருந்தார்.
கிராபிக்ஸ் வீடியோ
சசிகலா தொடர்பான வீடியோவை கொண்டு வாருங்கள். அதனைப் பொய் என்பதை நான் நிரூபிக்கின்றேன். அந்த வீடியோ எங்கிருந்து எடுக்கப்பட்டது என்று எனக்கு தெரிய வேண்டும் என்று கர்நாடக மாநில அதிமுக நிர்வாகி புகழேந்தி கூறியுள்ளார்.
வீடியோ உண்மைதான்
சிறையில் சசிகலா கைப்பையுடன் இருப்பதுபோல வெளியாகியுள்ள வீடியோ உண்மையானதுதான் என்று டிஐஜி ரூபா கூறியுள்ளார். தனியார் தொலைக்காட்சி ஒன்றுக்கு பேட்டியளித்த அவர், சிறையில் சோதனை நடத்திய போது பல அதிர்ச்சித் தகவல்கள் கிடைத்தன. அதைத்தான் அறிக்கையாக சிறைத்துறை டிஜிபிக்கு அனுப்பிவைத்தேன். அந்த அறிக்கை ரகசியமான ஒன்று. அதுபற்றி வெளிப்படையாகப் பேச முடியாது.
எப்படி வெளியானது
யாருடைய பேச்சை கேட்டும் நான் சிறைக்கு சென்று ஆய்வு செய்யவில்லை. முறைகேடு நடைபெறுவதாக தெரியவந்தது. இதையடுத்தே நான் சிறையில் ஆய்வு மேற்கொண்டேன். யாருடைய முறைகேட்டையும் வெளியே கொண்டுவரவேண்டிய நோக்கம் எனக்கு இல்லை. சசிகலா வீடியோ அனைத்தும் உண்மைதான். ஆனால் சி.சி.டி.வியில் பதிவான காட்சிகள் எப்படி வெளியானது என்றுதான் தெரியவில்லை. அதற்கும் எனக்கும் எந்த தொடர்பும் இல்லை என்றும் ரூபா கூறியுள்ளார்.
இன்னும் 2 வீடியோ இருக்கு
சசிகலா சம்பந்தப்பட்ட மேலும் 2 வீடியோக்கள் புதிதாக வெளியாக வாய்ப்பு உள்ளதாக கன்னட தொலைக்காட்சி வட்டாரங்களில் பரபரப்பாக பேசப்படுகிறது. சசிகலாவும், இளவரசியும் மேக்கப் போடுவது போன்ற வீடியோவும் அவர்கள் சிறைக்கு வெளியே ஷாப்பிங் செல்வது போலவும் வீடியோக்கள் எடுக்கப்பட்டு அந்த வீடியோக்கள் கன்னட தனியார் டி.வி.சேனல் வசம் இருப்பதாகவும் விரைவில் அவை வெளியாகும் என்றும் கூறப்படுகிறது.
