கல்யாண நேரத்துல பாஸ்போர்ட்டை காணோம்.. உதவி கேட்ட இந்தியர்.. சுஷ்மா சுவராஜின் அதிரடி உத்தரவு!

இரண்டு வாரத்தில் திருமணத்தை வைத்துக் கொண்டு அமெரிக்காவில் தன்னுடைய பாஸ்போர்ட்டை தொலைத்த இந்தியருக்கு பாஸ்போர்ட் கிடைக்க இந்திய வெளியுறவுத்துறை அமைச்சர் சுஷ்மா சுவராஜ் உதவி இருக்கிறார்.

By Shyamsundar

Updated: Tuesday, July 31, 2018, 14:42 [IST]

Subscribe to Oneindia Tamil

டெல்லி: இரண்டு வாரத்தில் திருமணத்தை வைத்துக் கொண்டு அமெரிக்காவில் தன்னுடைய பாஸ்போர்ட்டை தொலைத்த இந்தியருக்கு பாஸ்போர்ட் கிடைக்க இந்திய வெளியுறவுத்துறை அமைச்சர் சுஷ்மா சுவராஜ் உதவி இருக்கிறார்.

ஒரு காலத்தில், பாஸ்போர்ட் கிடைக்க ஒரு மாதம், இரண்டு மாதம் என்று காத்திருக்க வேண்டும். அலுவலகம் அலுவலகமாக ஏறி இறங்க வேண்டும். போலீஸ் சோதனைக்கு காத்திருக்க வேண்டும். ஆனால் அதை எல்லாம் வெளியுறவுத்துறை அமைச்சர் சுஷ்மா சுவராஜ் எளிதாக்கி இருக்கிறார்.

அதோடு எளிய மக்களும் தொடர்பு கொள்ளும் வகையில் டிவிட்டரில் சுஷ்மா சுவராஜ் மக்களுடன் இணக்கமாக இருக்கிறார். டிவிட்டர் மூலமாக மக்களுக்கு நிறைய உதவிகள் செய்தும் இருக்கிறார்.

@SushmaSwaraj ji, I lost my passport in Washington DC USA. I have my wedding on August 13-15. Traveling on August 10. Please help me expedite my tatkal request and help me in attending my wedding in time. You are my only hope. Plz do the needful.
— devatha ravi teja (@devatharaviteja) July 30, 2018

காணவில்லை

இந்தநிலையில் அமெரிக்காவில் வசிக்கும் இந்தியரான தேவதா ரவி தேஜா தன்னுடைய பாஸ்போர்ட்டை தொலைத்து இருக்கிறார். இதுகுறித்து அவர் சுஷ்மா சுவராஜிடம் டிவிட்டரில் ''நான் வாஷிங்டனில் என்னுடைய பாஸ்போர்ட்டை தொலைத்துவிட்டேன். எனக்கு ஆகஸ்ட் 13-15ல் திருமணம் இருக்கிறது. ஆகஸ்ட் 10ல் கிளம்ப வேண்டும். என்னுடைய பாஸ்போர்ட்டை தட்கல் முறையில் கிடைக்க உதவி செய்தால் திருமணத்திற்கு செல்ல முடியும். உங்கள் மீது மட்டுமே நம்பிக்கை வைத்துள்ளேன். உதவுங்கள்'' என்றுள்ளார்.

Devatha Ravi Teja - You have lost your Passport at a very wrong time. However, we will help you reach for your wedding in time.

Navtej - Let us help him on humanitarian grounds. @IndianEmbassyUS https://t.co/wxaydeqCOX
— Sushma Swaraj (@SushmaSwaraj) July 30, 2018

உதவி

இதற்கு சுஷ்மா சுவராஜ், ''தேவதா ரவி தேஜா, நீங்கள் முக்கியமான நேரத்தில் உங்கள் பாஸ்போர்ட்டை தொலைத்துவிட்டீர்கள். ஆனாலும் உங்கள் திருமணத்திற்கு நீங்கள் சரியாக செல்லும் படி நாங்கள் உதவுவோம்'' என்றுள்ளார். அதேபோல் இந்திய தூதரகத்திடம் உதவும்படி கட்டளையும் இட்டு இருக்கிறார்.

Pl send details & tatkal passport appln reference number to: [email protected]. We shall assist. @SushmaSwaraj
— EmbassyIndiaDC Ppt (@IndiaPassportDC) July 30, 2018

என்ன நடவடிக்கை

இதையடுத்து வாஷிங்டனில் உள்ள இந்திய தூதரகம் , தேவதாவிடம், ஒரு மெயில் ஐடியை அளித்து இந்த மெயில் ஐடிக்கு உங்கள், விண்ணப்ப விவரங்களை அனுப்புங்கள் நாங்கள் நடவடிக்கை எடுக்கிறோம் என்று கூறியுள்ளது.

நல்ல விஷயம்

இந்த நிலையில் அவருக்கு விரைவில் பாஸ்போர்ட் கிடைக்கும் என்று கூறப்பட்டுள்ளது. அதாவது அவருக்கு இன்னும் 5 நாட்களில் பாஸ்போர்ட் கிடைக்கும். அவர் ஆகஸ்ட் 10ம் தேதி இந்தியா கிளம்பும் 5 நாட்களுக்கு முன்பே பாஸ்போர்ட் கிடைக்கும் என்று கூறப்பட்டுள்ளது.