டெல்லியில் நடுரோட்டில் தீப்பிடித்து எரிந்த ரூ.2.7 கோடி லம்போர்கினி கல்லார்டோ கார்
டெல்லி: டெல்லியில் உள்ள பதர்பூர் பகுதியில் ரூ.2.7 கோடி மதிப்புள்ள லம்போர்கினி கல்லார்டோ கார் திடீர் என தீப்பிடித்து எரிந்தது.
தெற்கு டெல்லியில் உள்ள பதர்பூர் பகுதியில் ரூ.2.7 கோடி மதிப்புள்ள லம்போர்கினி கல்லார்டோ காரில் ஒருவர் இன்று காலை சென்றுள்ளார். காலை 9 மணி அளவில் பதர்பூர் மேம்பாலத்திற்கு கீழே செல்கையில் அந்த காரின் பின்புறத்தில் திடீர் என தீப்பிடித்து எரிந்தது.
இதையடுத்து காரில் இருந்த நபர் வாகனத்தை நிறுத்திவிட்டு கீழே இறங்கிவிட்டார். கார் கொழுந்துவிட்டு எரிந்ததை பார்த்து அந்த வழியாக சென்றவர்கள் அதிர்ச்சி அடைந்தனர். சிலர் அந்த காட்சியை தங்களின் செல்போன்களில் புகைப்படம் எடுத்தனர்.
லம்போர்கினி நிறுவனம் கல்லார்டோ தயாரிப்பை கடந்த 2013ம் ஆண்டோடு நிறுத்திவிட்டது. லம்போர்கினி 14 ஆயிரம் கல்லார்டோ கார்களை விற்பனை செய்துள்ளது. கல்லார்டோ தயாரிப்பை நிறுத்திய பிறகு லம்போர்கினி ஹுராகன் காரை கடந்த 2014ம் ஆண்டு அறிமுகப்படுத்தியது.
லம்போர்கினி கல்லார்டோ சாலையில் சென்றாலே அனைவரும் திரும்பிப் பார்ப்பார்கள். இந்நிலையில் டெல்லி சாலையில் பாதி எரிந்து சாம்பலான கல்லார்டோவை பார்த்து பலரும் அதிர்ச்சி அடைந்தனர்.
எரிந்து மீதம் இருந்த காரை போலீசார் காவல் நிலையத்திற்கு எடுத்துச் சென்றனர்.
Click it and Unblock the Notifications
Sign in with Google