குழந்தைகளின் 20-20... விக்கெட் கீப்பராக மாறிய நாய்!
டெல்லி: கிரிக்கெட் வீரர்களுக்கு இணையாக நாய் ஒன்று விக்கெட் கீப்பராக மாறி பந்தை அழகாக எடுத்து வரும் வீடியோ ஒன்று இணையத்தில் வெளியாகியுள்ளது.
சிறுவர்கள் விளையாடும் கிரிக்கெட்டில் விக்கெட் கீப்பருக்குத் தான் அதிக வேலை இருக்கும். நாய் போல் ஓடி ஓடி பந்தைப் பொறுக்க வேண்டும்.
இப்படிப் பட்ட வேலையை நிஜமாகவே ஒரு நாய் செய்கிறது. இந்த வீடியோ யூடியூபில் வெளியாகியுள்ளது.
இந்த வீடியோவில் இரண்டு சிறுமிகளும், ஒரு சிறுவனும் கிரிக்கெட் விளையாடுகிறார்கள். கூடவே ஒரு நாயும் அவர்களது ஆட்டத்தில் விக்கெட் கீப்பராக செயல்படுகிறது.
ஒவ்வொரு முறையும் பந்து வீசப்படுவதற்கு முன்னதாக சரியாக விக்கெட் கீப்பர் இடத்திற்கு அந்த நாய் வந்து விடுகிறது. பின்னர் பேட்ஸ் மேன் அடித்த பந்தை ஓடிச் சென்று கவ்வி எடுத்து வந்து தருகிறது.
பார்ப்பவர்கள் அசந்து போகும் அளவிற்கு புத்திசாலித் தனமாக விளையாடுகிறது இந்த நாய்.