விமான போக்குவரத்து அமைச்சர் செல்லவிருந்த இன்டிகோ விமான விண்ட்ஸ்கிரீனில் விரிசல்
மும்பை: மத்திய விமான போக்குவரத்து துறை அமைச்சர் அசோக் கஜபதி ராஜு செல்லவிருந்த விமானத்தின் விண்ட்ஸ்கிரீனில் விரிசல் ஏற்பட்டதால் அவர் வேறு விமானத்தில் பயணம் செய்தார்.
மத்திய விமான போக்குவரத்து துறை அமைச்சர் அசோக் கஜபதி ராஜு செவ்வாய்க்கிழமை டெல்லியில் இருந்து மகாராஷ்டிரா மாநிலம் நாக்பூருக்கு சென்றார். நாக்பூரில் சில நிகழ்ச்சிகளில் கலந்து கொண்ட அவர் அன்றே இன்டிகோ விமானம் மூலம் டெல்லி கிளம்ப இரவு 8 மணிக்கு விமான நிலையத்திற்கு சென்றார்.
அவர் ஏற காத்திருந்தபோது விமானத்தின் விண்ட்ஸ்கிரீனில் விரிசல் ஏற்பட்டிருந்தது கண்டுபிடிக்கப்பட்டது. இதையடுத்து அமைச்சர் உள்ளிட்ட பயணிகள் வேறு விமானம் மூலம் அனுப்பி வைக்கப்பட்டனர்.
இது குறித்து நாக்பூர் விமான நிலைய அதிகாரிகள் கூறுகையில்,
அமைச்சர் அந்த விமானத்தில் ஏறவில்லை. அவர் விமானத்தில் ஏற காத்திருந்தபோதே விண்ட்ஸ்கிரீனில் உள்ள விரிசல் கண்டுபிடிக்கப்பட்டது என்றனர்.