23 ஆண்டுகளாக 17 மாதத்திற்கு ஒரு முறை குழந்தை பெற்று வரும் இங்கிலாந்து பெண்

லண்டன்: இங்கிலாந்தைச் சேர்ந்த பெண் ஒருவர் கடந்த 23 ஆண்டுகளாக 17 மாதத்திற்கு ஒரு முறை ஒரு குழந்தை என இதுவரை 16 குழந்தைகள் பெற்றுள்ளார்.

இங்கிலாந்து லங்காஷயரில் உள்ள மோர்கேம்பேவைச் சேர்ந்தவர் நோயல்(41). அவரது மனைவி சூ ராட்போர்ட்(38). அவர்களுக்கு 16 குழந்தைகள் உள்ளனர். இந்நிலையில் சூ தற்போது கர்ப்பமாக உள்ளார். அடுத்த ஆண்டு ஏப்ரல் மாதம் அவருக்கு 17வது பிரசவம் நடக்க உள்ளது.

சூ கடந்த 23 ஆண்டுகளாக 17 மாதத்திற்கு ஒரு முறை ஒரு குழந்தை பெற்று வருகிறார். அவர்களின் குடும்பத்தை வைத்து 15 கிட்ஸ் அன்ட் கவுன்ட்டிங் என்ற தலைப்பில் கடந்த 2011ம் ஆண்டு ஆவணப் படம் வெளியிடப்பட்டது. இதையடுத்து அவர்கள் குடும்பம் பிரபலமானது. இந்நிலையில் கடந்த ஆண்டு அக்டோபர் மாதம் சூ தனது 16வது குழந்தையான காஸ்பரை பெற்றெடுத்தார்.

இந்நிலையில் சூ தனது ஃபேஸ்புக் பக்கத்தில் கூறியிருப்பதாவது,

எங்களின் 17வது குழந்தையை வரவேற்பதில் நாங்கள் மிகவும் மகிழ்ச்சியாக உள்ளோம் என்று தெரிவித்துள்ளார்.

சூ மற்றும் நோயல் தங்களின் பேக்கரியில் பணிபுரிகின்றனர். அவர்கள் 9 பெட்ரூம் உள்ள வீட்டில் வசித்து வருகின்றனர். குடும்பத்துடன் எங்கு சென்றாலும் மினி பஸ்ஸில் தான் செல்வார்கள்.

English summary

Britain's biggest family is just getting a little larger as it prepares to welcome their 17th baby home. Supermom Sue Radford, a baker's wife, is expecting again - just 11 months after giving birth - and she and her husband Noel will welcome the latest addition in April next year.