ஐநா வளாகத்திற்கு அடியில் சென்ற ஹமாஸ் சுரங்கம்.. 7 கிமீ நீளம், 80+ ரூம்கள்! அதிர்ந்து போன இஸ்ரேல்

டெல் அவிவ்: இஸ்ரேல் ஹமாஸ் இடையே போர் பல ஆண்டுகள் தொடர்ந்தது அனைவருக்கும் தெரியும். அங்குப் போர் முடிவுக்கு வந்துவிட்ட நிலையில், ஹமாஸ் பயன்படுத்திய ஒரு சுரங்கம் குறித்த வீடியோவை இஸ்ரேல் ராணுவம் வெளியிட்டுள்ளது.. சுமார் 25 மீட்டர் ஆழத்தில் 7 கிமீ நீண்டு இருக்கும் இந்த சுரங்கம் 80 ரூம்கள், கமாண்ட் சென்டர்களையும் கொண்டு இருப்பதாக இஸ்ரேல் தெரிவித்துள்ளது.

மத்திய கிழக்கில் இஸ்ரேல் ஹமாஸ் இடையே கடந்த சில ஆண்டுகளாகவே போர் நிலவி வந்தது. இந்த போரில் ஹமாஸை அமைப்பைச் சேர்ந்த முக்கிய தலைவர்கள் பலரும் கொல்லப்பட்டனர். போர் பல ஆண்டுகளாக நீடித்த நிலையில், அமெரிக்க அதிபர் டிரம்ப் தலையிட்ட பிறகே இந்த போர் ஒரு வழியாக முடிவுக்கு வந்தது. போர் முடிவுக்கு வந்துவிட்ட போதிலும், ஆங்காங்கே ஓரிரு தாக்குதல்கள் நடக்கவே செய்கிறது.

இஸ்ரேல் ஹமாஸ்

இது ஒரு பக்கம் இருக்கக் காசா பகுதியில் ஹமாஸ் பயன்படுத்திய ஒரு பிரம்மாண்ட சுரங்கம் குறித்த வீடியோவை இஸ்ரேல் வெளியிட்டுள்ளது.. இந்த சுரங்கத்தில் தான் லெப்டினன்ட் ஹதர் கோல்டின் என்பவரின் உடல் மறைத்து வைக்கப்பட்டிருந்ததாக இஸ்ரேல் தெரிவித்துள்ளது. இஸ்ரேல்- ஹமாஸ் போரின் போது, காசாவில் நடந்த ஒரு தாக்குதலில் லெப்டினன்ட் கோல்டின் உயிரிழந்தார். அவரது உடல் இந்த மாத தொடக்கத்தில் தான் இஸ்ரேலிடம் ஒப்படைக்கப்பட்டது குறிப்பிடத்தக்கது.

சுரங்கம்

காசா பகுதியில் இஸ்ரேல் கண்காணிப்பு அதிகமாக இருக்கும் என்பதால் ஹமாஸ் படைகள் அங்கு மிகப் பெரிய சுரங்கத்தை உருவாக்கி இருந்தது. இந்த சுரங்கம் பல கிமீ வரை விரிவானதாகவும் பல வசதிகளைக் கொண்டதாகவும் இருந்தது. ஹமாஸ் இத்தனை ஆண்டுகள் தாக்குப்பிடிக்க இந்த சுரங்கங்களே பிரதான காரணமாக இருந்தது. இந்தச் சூழலில் தான் ஹமாஸ் படையினர் பயன்படுத்தி வந்த இந்த பிரதான சுரங்கத்தை இஸ்ரேல் கண்டுபிடித்துள்ளது.

இது தொடர்பான வீடியோவும் இஸ்ரேல் பாதுகாப்புப் படையின் பக்கத்தில் வெளியிடப்பட்டுள்ளது. காசாவின் முக்கிய நகரான ரஃபாவின் அடர்த்தியான குடியிருப்புப் பகுதிக்கு அடியில் இந்த சுரங்கம் செல்கிறது. மேலும், UNRWA எனப்படும் ஐநா சபையின் அகதிகள் முகாம் வளாகம், மசூதிகள், மருத்துவ நிலையங்கள், மழலையர் பள்ளிகள் ஆகியவற்றின் வழியாகவும் இந்தச் சுரங்கம் செல்கிறது என்று இஸ்ரேல் பாதுகாப்புப் படை குறிப்பிட்டது.

⭕️ EXPOSED: A 7+ kilometer Hamas tunnel route that held Lt. Hadar Goldin.

IDF troops uncovered one of Gaza’s largest and most complex underground routes, over 7 km long, ~25 meters deep, with ~80 hideouts, where abducted IDF officer Lt. Hadar Goldin was held.

The tunnel runs… pic.twitter.com/GTId75CvYw

— Israel Defense Forces (@IDF) November 20, 2025

80 ரூம்கள்

கடந்த ஜூலை மாதம் இந்த சுரங்கத்தை இஸ்ரேல் கண்டுபிடித்துள்ளது. அப்போது எடுத்த வீடியோவை தான் இப்போது வெளியிட்டுள்ளனர். இந்தச் சுரங்கத்தைத் தான் ஹமாஸ் தளபதிகள் ஆயுதங்களை சேமிக்கவும், தாக்குதல்களைத் திட்டமிடவும், நீண்ட நாட்கள் மறைந்திருக்கவும் பயன்படுத்தியுள்ளனர். சுமார் 7 கிமீ நீண்டு இருக்கும் இந்த சுரங்கம், 25 மீட்டர் ஆழத்தில் அமைந்துள்ளது

மேலும், சுமார் 80 ரூம்களை கொண்டுள்ளது. இஸ்ரேல் பாதுகாப்புப் படையைச் சேர்ந்த எலைட் யஹலோம் போர் பிரிவு மற்றும் ஷாயெடெட் 13 கடற்படை கமாண்டோ பிரிவினர் இந்த சுரங்கத்தைக் கண்டுபிடித்தனர். கடந்த மே மாதத்தில் ஹமாஸ் தலைவர் முகமது சின்வாருடன் கொல்லப்பட்ட முகமது ஷபானா உள்ளிட்ட ஹமாஸ் தளபதிகள் இங்கிருந்து தான் செயல்பட்டதாகவும் இஸ்ரேல் பாதுகாப்புப் படையினர் தெரிவித்துள்ளனர்.

இஸ்ரேல் தாக்குதல்கள்

இஸ்ரேல் காசா போரில் பல ஆயிரம் பேர் உயிரிழந்துள்ளனர். இரு தரப்பிலும் உயிரிழப்புகள் ஏற்பட்டுள்ளது என்ற போதிலும், காசா மக்களே இதனால் அதிகம் பாதிக்கப்பட்டுள்ளனர். இரு தரப்பிற்கும் இடையே 6 வாரங்களாகப் போர் நிறுத்தம் தொடரும் போதிலும், ஆங்காங்கே சிறு சிறு தாக்குதல்கள் தொடர்ந்தே வருவது குறிப்பிடத்தக்கது.

English summary

IDF uncovers 7km+ tunnel in Rafah, Gaza, where Hamas conduct major operations (இஸ்ரேல் ஹமாஸ் இடையே வெடிக்கும் போர்): Israel Hamas crisis latest news in tamil.