இஸ்ரேல் பிரதமர் நெதன்யாகு கொல்லப்பட்டாரா? ஆபீஸை அட்டாக் செய்த ஈரான்
டெல் அவிவ்: இஸ்ரேல் பிரதமர் நெதன்யாகுவை குறிவைத்து அவரது அலுவலகத்தில் ஈரான் நடத்திய ஏவுகணை தாக்குதலில் அவர் கொல்லப்பட்டிருக்கலாம் என தகவல் வெளியாகி உள்ளது. இந்த தாக்குதலை ஈரான் ராணுவம் உறுதி செய்திருக்கும் வேளையில் இஸ்ரேல் இதனை உறுதிப்படுத்தவில்லை. இதனால் நெதன்யாகு உயிருடன் இருக்கிறாரா அல்லது கொல்லப்பட்டாரா? என நெட்டிசன்களிடையே விவாதம் எழுந்துள்ளது.
ஈரான் மீது அமெரிக்கா, இஸ்ரேல் இணைந்து தாக்குதல் நடத்திய நிலையில் பதில் தாக்குதலை ஈரான் தீவிரப்படுத்தியுள்ளது. ஈரானின் உச்சபட்ச தலைவர் கமேனி கொல்லப்பட்ட நிலையில் அமெரிக்கா மற்றும் இஸ்ரேலை நோக்கி ஈரான் ஏவுகணை மற்றும் டிரோன் தாக்குதலை தீவிரப்படுத்தி இருக்கிறது.
நெதன்யாகுவை குறிவைத்து தாக்குதல்
குறிப்பாக வளைகுடா நாடுகள் மற்றும் மேற்காசிய நாடுகளில் உள்ள அமெரிக்க தளங்களை குறி வைத்து ஈரான் சரமாரியக ஏவுகணைகளை ஏவி வருகிறது. இதனால் மத்திய கிழக்கு நாடுகளில் பெரும் பதற்றம் ஏற்பட்டுள்ளது. இந்த நிலையில் தான் நெதன்யாகுவை குறிவைத்து ஈரான் தாக்குதல் நடத்தியுள்ளதாக தகவல் வெளியாகி உள்ளது.
இஸ்ரேலிய பிரதமர் பெஞ்சமின் நெதன்யாகுவின் டெல் அவிவ் அலுவலகத்தின் மீது "திடீர் ஏவுகணை" தாக்குதல் நடத்தியதாக ஈரான் புரட்சிகரப் படைகள் இன்று அறிவித்துள்ளன. இதனால் நெதன்யாகுவின் நிலை என்ன என்று தெரியவில்லை என்றும் ஈரான் ராணுவம் தெரிவித்துள்ளது.
உறுதிப் படுத்தாத இஸ்ரேல்
ஆனால் இஸ்ரேல் இதனை மறுத்துள்ளது. நெதன்யாகு வேறு இடத்தில் இருப்பதாகவும் தகவல் வெளியாகி இருக்கிறது. ஆனால் இந்த தகவல் உறுதிப்படுத்தப்படவில்லை. ஈரான் ராணுவ சிறப்பு படையான புரட்சிகரப் பாதுகாப்பு படை, இஸ்ரேல் தலைநகர் டெல் அவிவில் உள்ள பிரதமர் அலுவலகம் மீது தாக்குதல் நடத்தியிருப்பதாக கூறும் நிலையில் இஸ்ரேல் இதனை உறுதிப்படுத்தவில்லை.
இதனால் என்ன நடந்தது என தெரியவில்லை. இரு நாடுகளும் மாறி மாறி தாக்குதல்களை தீவிரப்படுத்தி வரும் சூழலில் நெதன்யாகு தற்போது உயிருடன் இருக்கிறாரா? அல்லது கொல்லப்பட்டாரா? என்று சமூக வலைத்தளத்தில் கேள்வி எழுந்துள்ளது.
நெட்டிசன்கள் கமெண்ட்ஸ்
நெட்டிசன் ஒருவர், "இஸ்ரேல் பிரதமர் நெதன்யாகு உயிருடன் இருக்கிறாரா? அல்லது இறந்துவிட்டாரா? என்பது குறித்து இஸ்ரேலிய ஊடகங்களிலிருந்து எந்த தகவலும் இல்லை" என்று தெரிவித்துள்ளார். ஆனால் மற்றொரு நெட்டின்சன், "அப்படி என்றால் நெதன்யாகு இறந்துவிட்டாரா?" என்று பதிவிட்டுள்ளார்.
Click it and Unblock the Notifications
Sign in with Google