காதலியைக் கொன்று, மூளையைத் தின்று... இளகிய மனம் கொண்டோர் இந்த செய்தியை படிக்காதீங்க...!
ரஷ்யாவில் பெண்ணின் மூளையை இளைஞர் ஒருவர் வறுத்து தின்ற கொடூரம் நடந்துள்ளது.
மாஸ்கோ: ரஷ்யாவில் பெண்ணை அவரது காதலன் ஒருவர் கொன்றுவிட்டு அவரது மூளையை வறுத்து சாப்பிட்டுள்ள விவகாரம் பரபரப்பை ஏற்படுத்தியுள்ளது.
ரஷ்யாவை சேர்ந்தவர் டிமிட்ரி லூச்சின் (21). இவரது காதலி ஓல்கா புடுனோவா (45). இருவருக்கும் 24 வயது வித்தியாசம். எனினும் இருவரும் காதலித்து வந்தனர்.
இந்நிலையில் சர்வதேச பெண்கள் திம் கொண்டாட்டத்துக்காக வால்டாயில் உள்ள ஓல்காவின் வீட்டுக்கு சென்றுள்ளார். இந்நிலையில் ஓல்காவை டிமிட்ரி கொன்றுவிட்டார்.
திடுக் தகவல்
இது தொடர்பாக போலீஸாருக்கு தகவல் கிடைத்தது. சம்பவ இடத்துக்கு விரைந்த போலீஸார் டிமிட்ரியை கைது செய்தனர். கொலை தொடர்பாக டிமிட்ரியிடம் போலீஸார் நடத்திய விசாரணையில் பல திடுக் தகவல்கள் கிடைத்துள்ளன. அதில் ஓல்காவும், டிமிட்ரியும் இணைந்து மது அருந்தியுள்ளனர்.
ஓல்கா சரிந்தார்
இதையடுத்து மதுபாட்டிலால் ஓல்காவின் தலையில் 25 முறை அடித்துள்ளார் டிமிட்ரி. இதனால் ஓல்கா சரிந்து விழுந்து இறந்தார். இதையடுத்து ஓல்காவின் மண்டை ஓட்டை டிமிட்ரி உடைத்தார். அதிலிருந்து ரத்தத்தை ஒரு பாட்டிலில் பிடித்தார்.
மூளையை வெளியே எடுத்தார்
இங்கே விருந்து இருக்கிறது சாத்தான்களே வாருங்கள் என அழைத்தார். ஒரு 5 நிமிடம் காத்திருந்தார். பின்னர் அதிலிருந்து மூளையை வெளியே எடுத்தார். மண்டை ஓட்டு ரத்தத்தை மடக்கென குடித்தார்.
வறுத்து உண்டார்
இதையடுத்து மூளையின் சிறு பகுதியை எடுத்து வறுத்தார். அதை உண்டார். அதன் ருசி அவருக்கு பிடித்திருக்கவே மீதியையும் வறுத்து தின்றார். இதையடுத்து அவரது வாக்குமூலத்தை போலீஸார் பதிவு செய்தனர். இதையடுத்து நீதிமன்றத்தில் ஆஜரான டிமிட்ரிக்கு ஆயுள் தண்டனை விதிக்கப்பட்டது.
அதிக ஆர்வம்
சீரியல் கில்லர்கள் குறித்து அதிக ஆர்வமுடைய டிமிட்ரி லிசின், மனிதர்களைக் கொன்று தின்னும் சடங்குகள் குறித்து வாசிப்பார். அதுபோலவே காதலி ஓல்காவை கொன்றது தெரியவந்துள்ளது.
Click it and Unblock the Notifications
Sign in with Google